លោក Edmilson ដែលជាអតីតប្រធានក្រុមជម្រើសជាតិប្រេស៊ីល បានលើកឡើងថា Neymar Jr មិនសាកសមពាក់ស្លាកប្រធានក្រុមជម្រើសជាតិប្រេស៊ីលឡើយ។ ក្នុងកនោះក៏មានមនុស្សជាច្រើននៅប្រេស៊ីល បានវែកញែកថាតើគួរអោយ Neymar ធ្វើជាប្រធានក្រុមជម្រើសជាតិប្រេស៊ីល ឬពុំគួរ សម្រាប់ការប្រកួតពានរង្វាន់ Copa America ហើយលោក Edmilson បានបញ្ចេញមតិផ្ទាល់ខ្លួនជុំវិញបញ្ហានេះដែរ។

យ៉ាងណាមិញ លោកEdmilson បានប្រាប់ថា៖ នៅក្នុងបញ្ជីក្រុម មានកីឡាករច្រើនរូបដែលមានបទពិសោធន៍ ហើយធ្លាប់ធ្វើជាប្រធានក្រុមថែមទៀតផង។ ពេលវេលាមិនទាន់សក្ដិសម ក្នុងការផ្ដល់ស្លាកប្រធានក្រុមទៅឲ្យNeymar នៅឡើយនោះទេ ប៉ុន្ដែការសម្រេចចិត្តចុងក្រោយគឺស្ថិតនៅលើលោក Tite៕