គ្រោះរញ្ជួយដីដ៏ខ្លាំងកម្រិត ៦.៤រ៉ិចទ័រ បានវាយប្រហារទីក្រុង Ishikawa និងខេត្តកណ្តាលផ្សេងទៀតរបស់ប្រទេសជប៉ុន កាលពីថ្ងៃអង្គារ ម៉ោងនៅក្នុងស្រុក។ នេះបើយោងតាមការរាយការណ៍របស់ទីភ្នាក់ងារអាកាសធាតុរបស់ប្រទេសជប៉ុន។ ទោះបីជាយ៉ាងណាក៏ដោយ នៅមិនទាន់មានរបាយការណ៍ភ្លាមៗអំពីអ្នករងរបួស ឬការខូចខាតអ្វីនោះទេ ហើយក៏មិនមានការព្រមានអំពីរលកយក្សស៊ូណាមិ ត្រូវបានចេញដោយទីភ្នាក់ងារអាកាសធាតុនៅឡើយនោះដែរ។យោងតាមព័ត៌មានបឋម ការរញ្ជួយដីបានកើតឡើងនៅជម្រៅប្រហែល ១០គីឡូម៉ែត្រពីឆ្នេរសមុទ្រភាគខាងលិចនៃខេត្ត ដែលវាស់កម្រិតទាបជាង៥ លើមាត្រដ្ឋានរញ្ជួយដីជប៉ុន៧ នៅតំបន់ Noto របស់ Ishkiwara ដែលជាតំបន់ដែលទើបតែងើបឡើងវិញពីការរញ្ជួយដី កាលពីថ្ងៃទី១ ខែមករា កន្លងទៅ។ជារួមការរញ្ជួយដីដែលបានកើតឡើងនេះ មិនមានអ្វីខុសប្រក្រតីត្រូវបានរាយការណ៍ នៅឯរោងចក្រថាមពលនុយក្លេអ៊ែរនោះទេ ខណៈរ៉េអាក់ទ័រពីរ ដែលទុកចោលនៅរោងចក្រថាមពលនុយក្លេអ៊ែរ Shika បានរងការខូចខាតបន្តិចបន្តួច។ ទោះបីជាមិនមានការលេចធ្លាយវិទ្យុសកម្មក៏ដោយ តែវាក៏ជាការព្រួយបារម្ភមួយអំពីសុវត្ថិភាពនៃការសាយភាយនុយក្លេអ៊ែរ ដែលជម្រុញឲ្យមានការឆ្លើយតបជាបន្ទាន់នៅក្នុងតំបន់ផងដែរ៕