ក្រុមហ៊ុន Abode Inc បាននិយាយកាលពីម្សិលមិញថាខ្លួនបានដាក់កំណត់ប្រព័ន្ធឆ្លាតវ័យ ដែលជាភាសាអង់គ្លេសហៅថា Artificial Intelligence (AI) ក្នុងកម្មវិធីទីផ្សារឌីជីថលរបស់ខ្លួនក្នុងគោលបំណងជួយឲ្យក្រុមហ៊ុន ឬអ្នកប្រើប្រាស់ធ្វើយុទ្ធនាការផ្សព្វផ្សាយរបស់ពួកគេឲ្យកាន់តែច្បាស់ និងងាយស្រួល។

មនុស្សទូទាំងពិភពលោកច្រើនស្គាល់ក្រុមហ៊ុន Abode តាមរយៈកម្មវិធីប្រើប្រាស់ចាំបាច់ប្រចាំថ្ងៃដូចជា PDF, Photoshop, Illustrator និង Premiere Pro ជាដើម។ ហើយការរីកចម្រើនផ្នែក Software របស់ក្រុមហ៊ុននេះបានជួយជំរុញភាគហ៊ុនកើនឡើងជិត ៥០% នៅឆ្នាំនេះ។ 

លក្ខណៈពិសេសនៃប្រព័ន្ធវៃឆ្លាតនេះវានឹងជាជំនួយដ៏មានប្រយោជន៍បំផុត ឧទាហរណ៍ ការស្កេន និងការដាក់ស្លាករូបភាពផលិតផលរាប់ពាន់តាមពណ៌ និងរូបរាង ឬប្រើបច្ចេកវិទ្យាកែច្នៃជាភាសាធម្មជាតិ ដើម្បីអានអត្ថបទក្នុងការកំណត់ប្រធានបទរបស់វា។

ហើយវាកាន់តែងាយស្រួលទៀតសម្រាប់យុទ្ធនាការទីផ្សារក្នុងការបង្កើតការណែនាំ ឬយោបល់ មិនថាការបង្ហាញអ្នកនូវគេហទំព័រពាណិជ្ជកម្មអេឡិចត្រូនិកប្រភេទដូច ឬស្រដៀងគ្នានឹងអ្វីអ្នកកំពុងរកមើល ឬក៏ណែនាំនូវវែបផ្សាយដែលស្រដៀងនឹងអ្វីដែលអ្នកបានមើលរួច។ ម្យ៉ាងទៀត Adobe បានដាក់បច្ចេកវិទ្យាដោយផ្ទាល់ទៅក្នុងប្រព័ន្ធទីផ្សារខ្លួន ព្រោះត្រូវការកាត់បន្ថយតម្រូវការនាំចេញទិន្នន័យកម្មវិធីខ្លួនផងដែរ។ ប្រែសម្រួលដោយ៖ រីតា