ធ្វើសកម្មភាពបានសម្រេច លុះ២ថ្ងៃក្រោយមកអស់លក្ខណ៍

#ជនសង្ស័យ# #ម៉ូតូ# #សង្គម# #តុលាការ# #នយោបាយជាតិ#

4694

ខេត្តសៀមរាប ៖ យុវជនម្នាក់ធ្វើសកម្មភាពលួចម៉ូតូមួយគ្រឿងបានសម្រេចកាលពីវេលាម៉ោង៥និង៣០នាទីល្ងាចថ្ងៃទី៥ ខែកញ្ញា ឆ្នាំ២០២០ ស្ថិតនៅភូមិមណ្ឌល៣ សង្កាត់ស្លក្រាម ក្រុងខេត្តសៀមរាប ខេត្តសៀមរាប រួចគេចខ្លួនអស់រយៈពេល២ថ្ងៃ ក៏ត្រូវបានកម្លាំងនគរបាលស្រុកបន្ទាយធ្វើការឃាត់ខ្លួន និងប្រគល់ឱ្យមកកម្លាំងនគរបាលក្រុងសៀមរាប ធ្វើការសួរនាំបន្ត រួចរៀបចំសំណុំរឿងបញ្ជូនទៅតុលាការខេត្តសៀមរាបចាត់ការតាមនីតិវិធី។

ហេតុការណ៍ឃាត់ខ្លួនជនសង្ស័យម្នាក់ខាងលើនេះបានធ្វើឡើងនៅក្នុងភូមិសាស្ត្រឃុំព្រះដាក់ ស្រុកបន្ទាយស្រី ខេត្តសៀមរាប កាលពីថ្ងៃទី៧ កញ្ញា ឆ្នាំ២០២០ ខណៈជននោះជិះម៉ូតូបំរុងយកទៅបញ្ចាំនៅឃុំព្រះដាក់ ក៏ត្រូវសមត្ថកិច្ចមានការសង្ស័យក៏ចាប់ឃាត់ខ្លួនតែម្តង។ជនសង្ស័យឈ្មោះ វុធ វាសនា ភេទប្រុស អាយុ២៤ឆ្នាំ មានស្រុកំណើតនៅភូមិបុស្ស ឃុំក្រឡាញ់ ស្រុកក្រឡាញ់ ខេត្តសៀមរាប ។ ដោយឡែកម៉ូតូមួយគ្រឿងដែលត្រូវជនសង្ស័យលួចម៉ាកហុងដាឌ្រីម ស៊េរីឆ្នាំ២០១០ ពណ៌ខ្មៅ ពាក់ផ្លាកលេខ សៀមរាប១J-៥២៦៤ ។

លោកវរសេនីយ៍ឯក ណុប សារ៉ាក់ អធិការនគរបាលក្រុងសៀមរាប បានបញ្ជាក់ថា នៅវេលាម៉ោងកើតហេតុខាងលើ ជនសង្ស័យបានធ្វើសកម្មភាពលួចម៉ូតូមួយគ្រឿងរបស់ជនរងគ្រោះឈ្មោះចាន់ សុភាព ភេទស្រី អាយុ៤៧ឆ្នាំ រស់នៅភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប ខណៈពេលជនរងគ្រោះទុកម៉ូតូនៅមុខផ្ទះមិនបានដកសោចេញ ។

លោកបានបញ្ជាក់បន្ថែមថា លុះដល់ថ្ងៃទី៧ ខែកញ្ញា ឆ្នាំ២០២០ ជនសង្ស័យត្រូវបានកម្លាំងនគរបាលព្រហ្មទណ្ឌក្រុងសៀមរាប សហការជាមួយ កម្លាំងនគរបាលស្រុកបន្ទាយស្រី ធ្វើការឃាត់ខ្លួន ខណៈពេលជនសង្ស័យយកម៉ូតូដែលលួចបានពីក្រុងសៀមរាបបំរុងយកទៅបញ្ចាំនៅឃុំព្រះដាក់ ស្រុកបន្ទាយស្រី ខេត្តសៀមរាប។

ក្រោយពីធ្វើការសាកសួរ ជនសង្ស័យមិនព្រមឆ្លើយសារភាពទេ នៅអធិការដ្ឋាននគរបាលស្រុកបន្ទាយស្រី លុះដល់ពេលនាំយកមកសួរនាំនៅអធិការដ្ឋាននគរបាលក្រុងសៀមរាប ទើបជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពលួចម៉ូតូរបស់ជនរងគ្រោះតែម្នាក់ឯងប្រាកដមែន។

បច្ចុប្បន្ន ជនសង្ស័យត្រូវបានកម្លាំងនគរបាលអធិការដ្ឋាននគរបាលក្រុងសៀមរាប បានរៀបចំកសាងសំណុំរឿងបញ្ជូនទៅតុលាការខេត្តសៀមរាប ដើម្បីចាត់ការបន្តតាមនីតិវិធីច្បាប់ ។ ចំណែកម៉ូតូត្រូវបានប្រគល់ឱ្យម្ចាស់ដើមវិញហើយ៕

ផ្តល់សិទ្ធដោយ៖កោះសន្តិភាព

បណ្ដុំព័ត៌មានសំខាន់ៗប្រចាំថ្ងៃ

18091មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ស្នាដៃពេញនិយមរបស់គាត់

ទីបំផុតក្រុមហ៊ុន Adobe ដាក់ប្រព័ន្ធវ័យឆ្លាត(AI)ក្នុងទីផ្សារ Software

ពលរដ្ឋខ្មែរនៅប្រទេសវៀតណាម គួរប្រុងប្រយ័ត្នគ្រោះថ្នាក់ដោយសារខ្យល់ពុល

Facebook មិនមែនលុបតែ Ads នយោបាយទេគ្រប់ផុសរបៀបនេះនឹងត្រូវលុបដូចគ្នា

សម្តេចមហាបវរធិបតី ហ៊ុន ម៉ាណែត មានប្រសាសន៍ថា៖ ដំណើរជីវិតខុសគ្នា ប៉ុន្តែគ្មានអ្នកណាជោគជ័យ ដោយមិនមានការខិតខំនោះទេ

ការណែនាំពិសេស

អ៊ីស្រាអែល វាយប្រហារទីតាំងហេសបូឡា នៅលីបង់ភាគខាងកើត

គេធ្លាប់ប្រាប់ខ្ញុំថា ខ្ញុំល្អណាស់សម្រាប់គេ ក៏ជាមនុស្សតែម្នាក់ដែលល្អចំពោះគេ តែចុងក្រោយ!!!

អ៊ីស្រាអែល ស្វាគមន៍ការអនុម័តសេចក្តីស្នើច្បាប់ជំនួយនៅក្នុងសភាអាមេរិក

ហ្វីលីពីនរំពឹងទទួលបានកិច្ចព្រមព្រៀងវិនិយោគ ១០០ពាន់លានដុល្លារពីជំនួបកំពូលជាមួយអាមេរិក និងជប៉ុន

ចែករំលែកទៅកាន់៖