នៅវេលាម៉ោង ៥និង៤៥នាទីព្រឹក ថ្ងៃទី០២​ ខែមេសា ឆ្នាំ២០២៦ មានករណីតូបលក់កាហ្វេ មួយកន្លែងត្រូវបានអគ្គិភ័យឆាបឆេះយ៉ាងសន្ធោសន្ធៅ​ បង្កការភ្ញាក់ផ្អើលជាខ្លាំងដល់ប្រជាពលរដ្ឋ និងសមត្ថកិច្ចហៅរថយន្តពន្លត់អគ្គិភ័យចេញជួយអន្តរាគមន៍ ហេតុការណ៍នេះបានកើតឡើងនៅចំណុចផ្លូវមាត់ទន្លេ កោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ។

ដោយនៅក្នុងប្រតិបត្តិការខាងលើនេះ កម្លាំងសមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យចំនួន០៥គ្រឿង ក្នុងនោះរថយន្តការិយាល័យរាជធានីភ្នំពេញ ចំនួន០២គ្រឿង ប្រេីប្រាស់ទឹក​អស់០២ឡាន​ ស្មេីរនឹង០៨ម៉ែត្រគូប​,​ រថយន្តជំនួយមកពីទីក្រុងកោះពេជ្រ​ ចំនួន០២គ្រឿង​ ពុំបានប្រេីប្រាស់ទឹក​ និងរថយន្តទីក្រុងកោះនរា​ ចំនួន០១គ្រឿង​ ពុំបានប្រេីប្រាស់ទឹក ចំពោះ ករណីខាងលើនេះ ត្រូវបានកម្លាំងសមត្ថកិច្ចជំនាញរបស់យើងបានគ្រប់គ្រងទាំងស្រុងនៅម៉ោង ៦និង០៥នាទីព្រឹកនាថ្ងៃខែឆ្នាំដដែរ។

ដោយឡែកចំពោះប្រភេទសំណង់ខាងលើនេះ ដែកប្រក់ស័ង្កសី​ ទំហំ​ (២ម៉ែត្រ​ x ៤ម៉ែត្រ​)​ ឆេះខូចខាតតូបលក់កាហ្វេអស់ទាំងស្រុង​ ហេីយពុំបណ្តាលឲ្យឆេះរាលដាលដល់អ្នកក្បែរខាងឡេីយ។

លោកវរសេនីយ៍ឯក ព្រហ្ម យ៉ន នាយការិយាល័យ ក៏បានបញ្ជាក់ថា ចំពោះហេតុការណ៍គ្រោះអគ្គិភ័យនេះ កម្លាំងសមត្ថកិច្ចជំនាញបាននឹងធ្វើការស្រាវជ្រាវរកឃើញថា បណ្តាលមកពីឆ្លងចរន្តអគ្គីសនីបង្កជាអគ្គិភ័យ​ ចំពោះករណីខាងលើនេះ មិនបានបណ្តាលឲ្យមានអ្នកណាម្នាក់រងរបួសនោះឡេីយ៕