សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានឧបត្ថម្ភថវិការចំនួន ៥០០០$ ជួយសំរាលថ្លៃព្យាបាលដល់ អតីតតារាសម្ដែង លោក ម៉េង ប៊ុនទ្បូ ដែលកំពុងធ្លាក់ខ្លូនឈឺធ្ងន់ មានជំងឺបែកសរសៃជេីងខាងឆ្វេង(សរសៃវ៉ែនរត់ទៅបេះដូង) ដែលអាចមានអនិភ័យវិវត្តទៅជាធ្ងន់ធ្ងរបានបើមិនទទួលការព្យាបាលទាន់ពេលវេលា។

យ៉ាងណាមិញ យោងតាមសំណេរលោក សាវីន ហ្វិលិព បានថ្លែងអំណរគុណយ៉ាងដូច្នេះថា៖ «សូមអរគុណសម្ដេចតេជោ ហ៊ុន សែន និង សម្ដេច ប៊ុន រ៉ានី ដែលបានឧបត្ថម្ភថវិការ ៥០០០$ ជួយសំរាលថ្លៃព្យាបាលតារាសម្ដែង ម៉េង ប៊ុនទ្បូ ដែលកំពុងឈឺធ្ងន់នៅមន្ទីរពេទ្យកាល់ម៉ែត្រ ។ សូមជូនពរសម្ដេចទាំងទ្វេមានសុខភាពល្អ និង អាយុយឺនយូរ។ សម្ដេចបញ្ជាក់ថានេះមិនមែនជារឿងដែលសម្ដេចត្រូវមេីលនឹងភ្នែកទេដោយសារសម្ដេចតែងតែយកចិត្តទុកដាក់ពីសុខទុក្ខរបស់សិល្បករខ្មែរ»។

ក្រោយពីបានឃើញបែបនេះហើយ បណ្ដាអ្នកគាំទ្រ ពិសេសមិត្តរួមអាជីពសិល្បៈជាច្រើនបានបង្ហាញអារម្មណ៍រំភើប និងគោរពអរគុណទៅកាន់សម្តេចពុកដែលតែងតែជួយដល់អ្នកសិល្បៈដែលកំពុងខ្វះខាតផងដែរ៕ អត្ថបទដោយ៖ Sun Darasy