ភ្ញៀវទេសចរជាតិ អន្តរជាតិមានចំនួនប្រមាណ ២០,៦៥៦ នាក់ ចូលរួមទស្សនា និងផ្តិតយករូបព្រះអាទិត្យរះចំកំពូលកណ្តាលនៃប្រាសាទអង្គរវត្ត ឬសមរាត្រីអង្គរ ថ្ងៃទី១។

រដ្ឋបាលខេត្តសៀមរាប បានឱ្យដឹងថា ថ្ងៃទី២១ ខែមីនា ឆ្នាំ២០២៦~ប្រាសាទអង្គរវត្ត គិតត្រឹមម៉ោង ៧:០០នាទី មានភ្ញៀវទេសចរជាតិ អន្តរជាតិមានចំនួនប្រមាណ ២០,៦៥៦ នាក់។ ក្នុងនោះ ភ្ញៀវទេសចរជាតិ និងប្រជាពលរដ្ឋក្នុងខេត្តប្រមាណ ១៨,៦៤០នាក់ និងភ្ញៀវទេសចរបរទេសចំនួនប្រមាណ ២,៣១៦នាក់ ចូលរួមទស្សនា និងផ្តិតយករូបព្រះអាទិត្យរះចំកំពូលកណ្តាលនៃប្រាសាទអង្គរវត្ត ឬសមរាត្រីអង្គរ ។ 

រដ្ឋបាលខេត្តសៀមរាប អញ្ជើញមហាជន ភ្ញៀវទេសចរ ឱ្យចូលរួមទស្សនាព្រឹត្តិការណ៍ព្រះអាទិត្យរះចំកំពូលកណ្តាលនៃប្រាសាទអង្គរវត្ត ឬសមរាត្រីអង្គរនេះ ឱ្យបានច្រេនកុះករបន្ថែមទៀត ខណៈនៅសល់រយៈពេល ២ថ្ងៃទៀត។ 

ព្រឹត្តិការណ៍សមរាត្រី នឹងកើតមានឡើងពីរដងក្នុងមួយឆ្នាំ ដោយនៅរដូវប្រាំង ( Vernal Equinox ) ចាប់ពីថ្ងៃទី២១-២៣ ខែមីនា និងរដូវវស្សា ( Autumnal Equinox ) ចាប់ពីថ្ងៃទី២១-២៣ ខែកញ្ញា ជារៀងរាល់ឆ្នាំ៕