អង្គការសហប្រជាជាតិនៅថ្ងៃអង្គារ ទី៣ ខែកុម្ភៈ បានអំពាវនាវឱ្យមានការស៊ើបអង្កេតជាបន្ទាន់លើការវាយប្រហារដោយមីស៊ីលដែលបានបំផ្លាញសាលាបឋមសិក្សាមួយកន្លែងនៅភាគខាងត្បូងប្រទេសអ៊ីរ៉ង់ ដែលបានសម្លាប់មនុស្សយ៉ាងហោចណាស់១៥០ នាក់ ភាគច្រើនជាសិស្ស។ ហេតុការណ៍នេះ បានកើតឡើងចំពេលមានការវាយប្រហារកាន់តែខ្លាំងឡើងរបស់សហរដ្ឋអាមេរិក និងអ៊ីស្រាអែលទៅលើប្រទេសអ៊ីរ៉ង់។

ការវាយប្រហារដោយមីស៊ីលបានកម្ទេចសាលារៀននៅ Minab នៅថ្ងៃទី ២៨ ខែកុម្ភៈ ឆ្នាំ ២០២៦ដែលជាថ្ងៃដំបូងនៃសកម្មភាពយោធាសម្របសម្រួលរបស់សហរដ្ឋអាមេរិក និងអ៊ីស្រាអែលប្រឆាំងនឹងប្រទេសអ៊ីរ៉ង់ ដែលបណ្តាលឱ្យមានមនុស្សស្លាប់ប្រហែល ១៥០ នាក់ និងរបួសជិត១០០ នាក់។ ក្រុមអ្នកជួយសង្គ្រោះបានស្វែងរកអ្នករស់រានមានជីវិតដែលគប់ក្នុងគំនរបាក់បែក។ ឯកអគ្គរដ្ឋទូតអង្គការសហប្រជាជាតិរបស់អ៊ីរ៉ង់បានហៅការវាយប្រហារនេះថាជាឧក្រិដ្ឋកម្ម។

លោក Volker Turk ប្រធានសិទ្ធិមនុស្សអង្គការសហប្រជាជាតិស្នើឲ្យមា​នការស៊ើបអង្កេតយ៉ាងឆាប់រហ័ស និងយុត្តិធម៌។ លោកនិយាយថា អ្នកដែលទទួលខុសត្រូវដាច់ខាតត្រូវតែប្រឈមមុខនឹងច្បាប់ និងយុត្តិធម៍។ ជាមួយគ្នានោះ អង្គការយូណេស្កូក៏បានលើកឡើងផងដែរថា ការវាយប្រហារសាលារៀនបានបំពានច្បាប់សង្គ្រាម និងធ្វើឱ្យប៉ះពាល់ដល់សិទ្ធិសិក្សារបស់កុមារ៕