ក្រុមមន្ត្រីបាននិយាយកាលពីថ្ងៃអាទិត្យម្សិលមិញនេះថា ភ្លើងឆេះព្រៃដែលមិនអាចគ្រប់គ្រងបាននៅក្នុងរដ្ឋ Victoria របស់ប្រទេសអូស្ត្រាលី ដែលបានជំរុញឲ្យមានការជម្លៀសអ្នកស្រុករាប់រយនាក់នឹងឆេះអស់រយៈពេលជាច្រើនថ្ងៃ។

ភ្នាក់ងារសេវាសង្គ្រោះបន្ទាន់របស់រដ្ឋ Victoria បាននិយាយនៅលើគេហទំព័ររបស់ខ្លួនថា ត្រូវជម្លៀសពលរដ្ឋឲ្យចាកចេញភ្លាមៗ ដែលស្ថានភាពគ្រោះថ្នាក់ខ្ពស់បំផុតនៅតែមាន ខណៈភ្លើងនៅក្នុង និងជុំវិញឧទ្យានជាតិ Grampians ចម្ងាយប្រហែល ២៤១ គីឡូម៉ែត្រភាគខាងលិចនៃរដ្ឋធានី Melbourne។ លោក Garry Cook អគ្គនាយករងអាជ្ញាធរអគ្គីភ័យប្រចាំប្រទេសបានឲ្យដឹងថា ឥឡូវនេះភ្លើងបានគ្របដណ្តប់លើព្រៃ ៣៤,០០០ ហិកតា។ អ្នកពន្លត់អគ្គីភ័យរាប់រយនាក់បានប្រយុទ្ធនឹងភ្លើងឆេះព្រៃ ដោយប្រើប្រាស់រថយន្តដឹកប្រេងជាង ១០០ គ្រឿង និងយន្តហោះ ២៥ គ្រឿង។

 គ្រោះអគ្គីភ័យដែលបានឆាបឆេះកាលពីថ្ងៃអង្គារបង្កឡើងដោយរន្ទះ បានជំរុញឲ្យអាជ្ញាធរបញ្ជាឲ្យអ្នកស្រុកនៅតាមទីប្រជុំជន និងជនបទដូចជា Halls Gap ប្រជាជនចំនួន ៤៩៥ នាក់ឲ្យជម្លៀសចេញ​ជាបន្ទាន់៕