មហាជនមានការតក់ស្លុតរំជួលចិត្ត និងសោកស្ដាយជាខ្លាំង នូវដំណឹងមរណភាពរបស់តារាសម្ដែងហុងកុង Zhou Hai Mei ឬ Cathy Zhou ដែលត្រូវបានគេស្គាល់ថាជាតួ Zhou Zhiruo ក្នុងរឿងភាគទូរទស្សន៍ TVB ឆ្នាំ ១៩៩៤ «The Heaven Sword And Dragon Saber » បានទទួលមរណភាពកាលពីថ្ងៃចន្ទ ទី១១ ខែធ្នូ ឆ្នាំ២០២៣ ក្នុងវ័យ ៥៧ ឆ្នាំ ដោយសារជំងឺ(មិនបញ្ជាក់ច្បាស់ពីជំងឺ)។

ដោយនាងបានអាបដេតជាលើកចុងក្រោយនូវក្នុងពេលខួបលើកទី ៥៧ របស់នាងនៅថ្ងៃទី ៦ ខែធ្នូ ដែលនាងបានចែករំលែកវីដេអូនៅលើគណនី Douyin ដោយបង្ហាញពីការដឹងគុណចំពោះពាក្យជូនពរ បន្ទាប់ពីពេលនោះមក បាត់មុខមួយរយៈក៏លេចលឺដំណឹងនៃការស្លាប់របស់នាងតែម្ដង។

គួបញ្ជាក់ផងដែរថា តារាសម្តែងហុងកុងដ៏ល្បីល្បាញ ដែលកាលពីអតីតកាលធ្លាប់ល្បីខ្លាំងនៅអាស៊ី នៅចុងទស្សវត្សរ៍ឆ្នាំ១៩៨០ និងដើមទសវត្សរ៍ឆ្នាំ ១៩៩០ គាត់ត្រូវបានគេចាត់ទុកថាជាតួសម្តែងរឿងដ៏ល្បីល្បាញបំផុតទាំង ១០ នៅហុងកុងក្នុងរយៈពេល ៣ ឆ្នាំជាប់ៗគ្នាផងដែរ៕

សម្រួលដោយ៖ Sun Darasy