រដ្ឋមន្រ្តីវប្បធម៌ និងរដ្ឋមន្រ្តីការពារជាតិថៃ បានរៀបចំពិធីបួងសួងយ៉ាងធំនៅមុខ «ប្រាសាទតាក្របី» និងភ្នំ៣៥០ ដែលនៅប្រសាទតាក្របី ថៃ បានរៀបចំពិធីសាសនា និងមានការសម្តែងរបាំ គោលដៅគឺប្រែក្លាយប្រាសាទតាក្របី ឲ្យក្លាយជាតំបន់ទេសចរណ៍ និងរៀបចំឲ្យទៅជាតំបន់សម្រាប់សិក្សាស្រាចជ្រាវរបស់ប្រទេសថៃ ក្រោយវាយកម្ទេច និងឈ្លានពានដណ្តើមគ្រប់គ្រងបានដោយខុសច្បាប់ពីកម្ពុជា។

ខណៈពេលដែល នៅភ្នំ៣៥០ រដ្ឋមន្ត្រីទាំងពីររបស់ប្រទេសថៃ បានឡើងទៅពិនិត្យមើលស្ថានភាពភូមិសាស្រ្ត និងការគ្រប់គ្រងលើតំបន់នោះ។ ខណៈថៃ នៅបន្តសំញែងអះអាងភាពជាម្ចាស់ស្របច្បាប់ រួមទាំងមានគម្រោងក្នុងការជួសជុលប្រាសាទឡើងវិញឲ្យស្របតាមបទដ្ឋានអន្តរជាតិ ដែលត្រូវតាមស្តង់ដារអាចឲ្យទេសចរចូលទៅទស្សនាបាន ដើម្បីប្រែក្រឡៃថាជារបស់ខ្លួនស្របច្បាប់។

គួរបញ្ជាក់ផងដែរថា កាលពីថ្ងៃទី១០ ខែធ្នូ ឆ្នាំ២០២៥ កន្លងទៅ យោធាថៃ បានបាញ់បំផ្លាញប្រាសាទតាក្របី ដោយប្រើប្រាស់អាវុធធុនធ្ងន់ រួមទាំងយន្តហោះទម្លាក់គ្រាប់លើទីតាំងជនស៊ីវិល និងបានបំផ្លិចបំផ្លាញប្រាង្គប្រាសាទខ្មែរ ដែលជាសម្បត្តិវប្បធម៌ដ៏មានតម្លៃ និងជាបេតិកភណ្ឌពិភពលោក ខណៈអំពើនេះត្រូវបានប្រកាសថ្កោលទោសដោយរដ្ឋមន្រ្តីក្រសួងព័ត៌មានកម្ពុជា ថាជាអំពើឈ្លានពានប្រដាប់អាវុធរបស់យោធាថៃមកលើកម្ពុជាផងដែរ៕