កាលថ្ងៃទី១៩ ខែមេសា ឆ្នាំ២០២៦ វេលាម៉ោង ១៧:៥០នាទី មានករណីឃាតកម្មដោយអចេតនាកេីតឡេីង(អំពេីហឹង្សារ​ក្នុងក្រុមគ្រួសារ)ដោយប្រពន្ធខឹងប្តីផឹកស្រវឹង ពូកែរករឿងពេក ទាញឈើជ្រុងវ៉ៃបណ្តាលអោយស្លាប់តែម្តង ហេតុការណ៍នេះកើតឡើងស្ថិតក្នុងភូមិថ្មស ឃុំថ្មស ស្រុកបូទុមសាគរ ខេត្តកោះកុង។

ដេីមហេតុព្រោះប្តីឈ្មោះខឹម ណេង ស្រវឹងស្រារួចក៏បាន​ឈ្លោះ​ប្រកែកគ្នាជាមួយប្រពន្ធឈ្មោះកៅ នេម និងបានយកដំបងឈេីមកវាយប្រពន្ធចំនួន ១ដំបង បណ្តាលឲ្យបែកក្បាលហេីយក៏មានការប្រតាយប្រតបគ្នារួចប្រពន្ធក៏ដណ្តេីមដំបងឈេីនោះពីប្តីវិញហេីយក៏បានវាយ​ចំក្បាលប្តីចំនួន២ដំបងរួចប្តីក៏ដួលទៅលេីដីហេីយសន្លប់បាត់ទៅ ប្រពន្ធឈ្មោះកៅ​ នឹម​ ក៏បានហៅអ្នកនៅក្បែរនោះឲ្យជួយជូនទៅពេទ្យពេលទៅដល់មណ្ឌលសុខភាពក៏បានលាងរបួសចំណែកឯប្តីដោយមានអាការៈធ្ងន់ធ្ងរគ្រូពេទ្យក៏បានបញ្ជូនទៅភ្នំពេញបន្ត តែមិនទាន់ដល់ភ្នំពេញក៏បានស្លាប់បាត់ជីវិត ពាក់កណ្តាលផ្លូវ សពត្រូវបានក្រុមគ្រួសារ យកមកធ្វើ បុណ្យតាមប្រព្រៃណី។

ចំណែកស្រ្តីជាប្រពន្ធដែលបានវាយប្ដីឲ្យបាតបង់ជីវិតនោះត្រូវបាន លោក អធិការដ្ឋាននគរបាលស្រុកបុទុមសាគរ កសាងសំណុំរឿងបញ្ជូនខ្លួន ទៅស្នងការដ្ឋាននគរបាលខេត្តកោះកុង ដើម្បីចាត់វិធានការបន្តផងដែរ៕