អគ្គិភ័យយ៉ាងសន្ធោសន្ធៅបានឆាបឆេះផ្ទះបណ្តែតទឹកក្នុងទីក្រុង Sandakan រដ្ឋ Sabah ប្រទេសម៉ាឡេស៊ីបានកើនឡើងដល់ជាង ១,០០០ ខ្នង ដោយភាគច្រើនជាផ្ទះឈើដែលសាងសង់ពីលើទឹក។ អគ្គិភ័យនេះបានកើតឡើងនៅព្រឹកថ្ងៃអាទិត្យ ទី ១៩ ខែមេសា ឆ្នាំ ២០២៦ ដែលធ្វើឱ្យមនុស្សជាង ៩,០០០ នាក់គ្មានផ្ទះសម្បែងនៅក្នុងភូមិ Kampung Bahagia ដែលជាសហគមន៍ឆ្នេរសមុទ្រក្រីក្រមួយដែលសាងសង់នៅលើផ្ទៃទឹក។​

អ្នកពន្លត់អគ្គិភ័យមកពីស្ថានីយ៍ចំនួន២ បានបញ្ជូនមនុស្ស ៣៧ នាក់ដើម្បីពន្លត់អគ្គិភ័យ ប៉ុន្តែដោយសារផ្លូវតូចចង្អៀតបានរារាំងរថយន្តពន្លត់អគ្គិភ័យមិនអាចចូលទៅដល់ ។ ទឹកសមុទ្រទាបបានកំណត់ការចូលប្រើប្រាស់ទឹក ហើយខ្យល់បក់ខ្លាំងបានធ្វើឱ្យភ្លើងឆេះរាលដាលយ៉ាងលឿនពាសពេញផ្ទះឈើដែលគ្របដណ្តប់លើផ្ទៃដី ១០ ហិចតា។ អគ្គិភ័យបានឆាបឆេះយ៉ាងលឿនពីផ្ទះមួយទៅផ្ទះមួយ ដោយបំផ្លាញផ្ទះរាប់រយខ្នង ប៉ុន្តែមិនមានរបាយការណ៍អំពីអ្នករបួស ឬស្លាប់ឡើយ។

គួរបញ្ជាក់ផងដែរថា ភូមិបណ្តែតទឹកនេះជាជម្រករបស់ប្រជាជនក្រីក្របំផុតមួយចំនួនរបស់ប្រទេសម៉ាឡេស៊ី រួមទាំងក្រុមជនជាតិដើមភាគតិច។ លោកនាយករដ្ឋមន្ត្រី Anwar Ibrahim បានមានប្រសាសន៍ថា រដ្ឋាភិបាលសហព័ន្ធកំពុងធ្វើការជាមួយរដ្ឋ Sabah ដើម្បីផ្តល់ជំនួយ។ ជម្រកបណ្ដោះអាសន្ន អាហារ និងកិច្ចខិតខំប្រឹងប្រែងសង្គ្រោះកំពុងដំណើរការសម្រាប់គ្រួសារដែលត្រូវបានផ្លាស់ទីលំនៅ៕