បើតាមព័ត៌មានពីអាជ្ញាធរមូលដ្ឋានស្រុកស្វាយលើ ខេត្តសៀមរាប បានឲ្យដឹងថាកាលពីរសៀលថ្ងៃទី១៨ ខែមេសា ឆ្នាំ២០២៦ មានហេតុការណ៍រន្ទះបាញ់ បណ្ដាលឲ្យមនុស្សចំនួន៤នាក់ បានរងរបួស នៅចំណុចផ្ទះលំហែ អូរពាមគ្រែ ស្ថិតក្នុងភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប។

យោងតាមព័ត៌មានបឋមបានរាយការណ៍ថាជនរងគ្រោះករណីរន្ទះបាញ់ បណ្តាលឲ្យរបួសស្រាល ៤នាក់ ៖

១. ឈ្មោះ អ៊ូ មករា ភេទប្រុស អាយុ៤៦ឆ្នាំ ទីលំនៅភូមិដុកក្រសាំង ឃុំព្រែកតូច ស្រុកម៉ោងឫស្សី ខេត្តបាត់ដំបង ។

២. ឈ្មោះ ទន់ សូលាង ភេទប្រុស អាយុ៣២ ឆ្នាំ ភូមិទួលស ឃុំកំពង់ឃ្លាំង ស្រុកសូទ្រនិគម ខេត្តសៀមរាប ។

៣. ឈ្មោះ គឿម គន្ធា ភេទស្រី អាយុ២៦ឆ្នាំ អាការៈសន្លប់បានដឹងខ្លួន ទីលំនៅភូមិស្រះខ្វាវ ឃុំត្បែង ស្រុកបន្ទាយស្រី ខេត្តសៀមរាប ។

៤. កុមារា វ៉ុន ជីវ័ន្ត ភេទប្រុស អាយុ៤ឆ្នាំ ទីលំនៅភូមិស្រះខ្វាវ ឃុំត្បែង ស្រុកបន្ទាយស្រី សៀមរាប ។

ប្រភពបានរាយការណ៍ថា បន្ទាប់ពីកើតហេតុភ្លាមកម្លាំងប៉ុស្តិ៍នគរបាលរដ្ឋបាលខ្នងភ្នំ បានចុះទៅដល់ហើយជនរងគ្រោះ ត្រូវបានបងប្អូនបញ្ជូនទៅមណ្ឌលសុខភាពអន្លង់ធំផងដែរ៕