ល្ខោនអាប៉េ «រឿងព្រះច័ន្ទកោរព» គឺជាទម្រង់ល្ខោនអាប៉េក្នុងវាំង។ ល្ខោនអាប៉េគឺជាផ្នែកតូចមួយរបស់របាំព្រះរាជទ្រព្យដែលគេនិយមហៅឈ្មោះ អាប៉េ ឬ យីកេសាសន៍ ដែលទម្រង់ល្ខោននេះមានការច្រៀងរាំ និងនិយាយបែបកំប្លុកកំប្លែង កាយវិការក្រមិចក្រមើមដែលញ៉ាំងឱ្យបរិយាកាសសប្បាយរីករាយ។ ក្រៅពីមិនសូវមានការលើកឡើងមកសម្តែងហើយ សូម្បីតែឯកសារក៏មានតិចតួចណាស់ដែរ ប៉ុន្តែទម្រង់សិល្បៈមួយនេះត្រូវបានសកលវិទ្យាល័យភូមិន្ទវិចិត្រសិល្បៈលើកយកមកសម្តែងនាឱកាសបុណ្យចូលឆ្នាំប្រពៃណីជាតិខ្មែរនេះ ដោយតួអង្គនីមួយៗទទួលបានការបង្ហាត់បង្រៀនពីសាស្ត្រចារ្យជំនាញ ដែលបានធ្វើឱ្យសិល្បៈមួយនេះរស់ឡើងវិញម្តងទៀត។