អ្នកនាង ផន សុផារី បានធ្វើឲ្យបណ្ដាអ្នកគាំទ្រផ្ទុះការចាប់អារម្មណ៍ និងកោតសរសើរគ្រប់គ្នា ខណៈអ្នកជំនួញអនឡាញរូបនេះ បានរៀបចំម្ហូបអាហារឆ្ងាញ់ៗជូនទៅដល់វិរៈកងទព័ជាង ៣ពាន់នាក់ ដែលឈរជើងការពារព្រំដែននៅក្នុងតំបន់មុំបី នាឱកាសបុណ្យចូលឆ្នាំថ្មីប្រពៃណីជាតិខ្មែរកន្លងទៅ។

ដោយវីដេអូឃ្លីបដែល អ្នកនាង ផន សុផារី បានបង្ហោះចែកចាយក្នុងបណ្ដាញសង្គម អមជាមួយសំណេរថា៖ «ទោះបីឆ្នាំថ្មី ពួកគាត់មិនបានជួបជុំជាមួយគ្រួសារ តែយ៉ាងហោចណាស់ ពួកគាត់បានដឹងថា នៅពីក្រោយខ្នងរបស់ពួកគាត់ មានប្រជាជនជាច្រើនដែលគោរព ស្រលាញ់ និងចងចាំពួកគាត់ជានិច្ច ពិសារឲ្យបានឆ្ងាញ់ចុះណាលោកពូ ( ធ្វើអាហារជូនកងទព័នៅមុំបី ជូនវិរៈកងទព័ ជាង ៣ពាន់នាក់ )»។

ក្រោយពីបានឃើញបែបនេះហើយបណ្ដាអ្នកលេងបណ្ដាញសង្គមជាច្រើន បានចូលទៅស៊ែរចែករំលែកបន្ត ព្រមទាំងគោរពស្ញប់ស្ញែង លើកសរសើរនូវទឹកចិត្តដ៏ប្រពៃរបស់ អ្នកនាង ផន សុផារី ដែលតែងតែគិតគូរយកចិត្តទុកដាក់ ព្រមទាំងមានមុខជួយជារឿយៗទៅកាន់កងទ័ពជួរមុខ​ ដែលអង់អាចក្លាហានឈរជើងការពារបូរណភាពដីគ្មានពេលសម្រាក់ផងដែរ៕ អត្ថបទដោយ៖ Sun Darasy