តារា​សម្ដែង​ដ៏​ល្បីល្បាញ​ក្នុង​ទសវត្សរ៍​ឆ្នាំ២០០០ លោក ​សោ ពន្លឺ ​ដែលត្រូវបានគេស្គាល់ថាជា F4 កម្ពុជា ដោយបច្ចុប្បន្ន​លោក​កំពុង​រស់នៅសាងគ្រួសារយ៉ាងមានសុភមង្គលនៅ​ប្រទេស​អូស្ត្រាលី បានបង្ហោះសំណេរមួយស្នើសុំដល់អ្នកសិល្បៈមួយចំនួន បេីមិនខ្វះខាតខ្លាំងទេ​ កុំបង្ហោះសុំជុំនួយអី កុំអោយគេមេីលងាយអ្នកសិល្បះខ្មែរ។

ខណៈតារាភេទទីបី កញ្ញា ប៉ុប ពី ក៏បានប្រតិកម្មទៅនឹងសំណេរមួយនេះដោយបានលើកឡើងថា៖ «សិល្បៈជួយអ្នកសិល្បៈទេបង គ្មានអ្វីធំជាងទឹកចិត្តទេ យើងក្រតែបេះដូងធំ បងឯងក៏ដឹងហើយថា យើងចេញថតរឺចេញសម្តែង១ថ្ងៃរស់១ថ្ងៃ បងឯងជាអ្នកមានបងឯងមិនយល់ទេ»។

ក្រោយពីបានឃើញនូវសំណេរទាំងនេះហើយ បណ្ដាអ្នកលេងបណ្ដាញសង្គមរួមទាំងអ្នកសិល្បៈមួយចំនួនបានចូលទៅស៊ែរចែករំលែកបន្ត និងបញ្ចេញមតិវែកញែកជាហូរហែរ ដោយក្នុងនោះមានទាំងមតិគាំទ្រ ព្រមទាំងមតិប្រតិកម្មផ្សេងៗទៀតផងដែរ៕