មហាជនអ្នកលេងបណ្ដាញសង្គមមានការភ្ញាក់ផ្អើល និងបង្ហាញអារម្មណ៍សោកស្ដាយ ខណៈស្ងាត់ៗតារាចម្រៀងរ៉េប លោក Rango ដែលជាអតីតបេក្ខភាពដ៏ល្បីធ្លោមួយរូបក្នុងកម្មវីធីប្រកួតចម្រៀងរ៉េប Rapper Fighter បានប្រកាសបញ្ចប់អាជីពជាអ្នកសិល្បៈកាលពីយប់រំលងអាធាត្រឈានចូលថ្ងៃទី១ ខែមេសា ឆ្នាំ២០២៦ បន្ទាប់ពីទម្លាក់បទចម្រៀងថ្មីចុងក្រោយចំណងជើងថា«ខ្ទិះ»។

នេះបើយោងតាមសំណេរ លោក Rango បានរៀបរាប់បែបនេះថា៖ «សុំទោសដែលត្រូវនិយាយពាក្យនេះ... អាជីពអ្នកសិល្បៈរបស់ខ្ញុំប្រហែលជាត្រូវបញ្ចប់ត្រឹមនេះហើយ។ បទដែលចេញមុននេះ គឺជាបទចុងក្រោយដែលបងប្អូនបានឃើញខ្ញុំ។ ខ្ញុំហត់នឿយ ហើយចង់ទៅរស់នៅជីវិតសាមញ្ញវិញ។ អរគុណសម្រាប់ការស្រលាញ់កន្លងមក លាហើយអ្នកទាំងអស់គ្នា»។

ក្រោយពីបានឃើញនៅសំណេរនេះហើយ បណ្ដាអ្នកគាំទ្រជាច្រើនបានចូលទៅស៊ែរចែករំលែកបន្ត និងមានមតិមហាជនចូលទៅលើកទឹកចិត្ត ចំណែកអ្នកខ្លះទៀតបានលើកឡើងថារឿងនេះមិនមែនជាការពិតនោះទេគ្រាន់តែជាការកុហកសម្រាប់ថ្ងៃ April fool day ផងដែរ៕ អត្ថបទដោយ៖ Sun Darasy