យុវជនដែលជាសិស្សានុសិស្សមកពីវិទ្យាល័យ និងនិស្សិតមកពីសាកលវិទ្យាល័យចំរុះ បានចូលរួមគ្នាជាមួយកម្មវិធីក្បួនដង្ហែនគរសង្ក្រាន្ត ដើម្បីបង្កើតជាទស្សនីយភាពនៃការសម្តែងរបាំបុរាណ របាំប្រជាប្រិយ និងរបាំប្រពៃណី។ នៅឆ្នាំ២០២៦នេះ ក្បួនដង្ហែនគរសង្ក្រាន្តនឹងបង្ហាញជូនភាពអស្ចារ្យនៃវិសេសភាព និងភាពចំរុះនៃរបាំប្រពៃណីខ្មែរចំនួន១២ប្រភេទ ដែលជាមរតកវប្បធម៌ប្រវត្តិសាស្រ្ត និងភូមិសាស្រ្តនៃប្រជាជាតិខ្មែរ។ លើសពីនេះ ក្បួនដង្ហែនគរសង្ក្រាន្តនឹងបង្ហាញជូនទស្សនីយភាពល្ខោនខោល ដែលមានតួអង្គពេញលេញ។ ក្បួនដង្ហែ ក៏នឹងមានទស្សនីយភាពរបាំជូនពរ របាំសន្តិភាព របាំផ្លិត របាំបួងសួង និងទម្រង់ចំរុះជាច្រើនទៀត៕