នាពេលថ្មីៗមហាជនអ្នកលេងបណ្ដាញសង្គមកំពុងតែផ្ទុះការវែកញែក និងហួសចិត្ត ខណៈបានឃើញនៅវីដេអូឃ្លីបរបស់យុវតីម្នាក់មានគណនីឈ្មោះ Fa Lata បាននិយាយរៀបរាប់ពីរឿងរ៉ាវនឹកស្មានមិនដល់ ដែលខ្លួនត្រូវបានក្រុមហ៊ុនមួយបញ្ឈប់ពីការងារភ្លាមៗដោយមិនអាចលើកលែងបាន ក្រោមហេតុផលនាងសម្រាក់ក្នុងម៉ោងសម្រាកការងារបាយថ្ងៃត្រង់។

ដោយក្នុងវីដេអូឃ្លីបនោះម្ចាស់គណនីរូបនេះបានរៀបរាប់ទាំងហួសចិត្ត និងមិនអស់ចិត្តថា៖ «គ្រាន់តែខ្លួនសម្រាកក្នុងម៉ោងសម្រាកបាយថ្ងៃត្រង់ម៉ោង ១២:៤៥នាទី ក៏ត្រូវបានបញ្ឈប់ ដោយសារតែថ្នាក់លើបានលើកឡើងថានាងសម្រាកនៅជិតច្រកផ្លូវដើរ ចំពោះហេតុផលនេះហាក់មិនសមស្របនោះឡើយ ដោយសារតែយុវតីរូបនេះបានសម្រាកនៅតុធ្វើការរបស់ខ្លួន ដែលមានទីតាំងក្បែរច្រកដើរតែប៉ុណ្ណោះ បើចង់បញ្ឈប់ពីការងារគួរណាស់តែមានហេតុផលណាបញ្ជាក់ឲ្យសមស្របជាងនេះទាំងខ្លួនមិនមានកំហុសក្នុងការងារនោះឡើយ»។

យ៉ាងណាមិញ ជុំវិញនៅការបកស្រាយនេះ កំពុងតែទទួលបានការចាប់អារម្មណ៍ខ្លាំង ធ្វើឲ្យមហាជគ្រប់គ្នាមានការហួសចិត្តចំពោះក្រុមហ៊ុននោះ ដែលបញ្ឈប់បុគ្គលិកភ្លាមៗក្នុងហេតុផលមិនសមស្រប និងមានអ្នកខ្លះទៀតបានលើកឡើងពីច្បាប់ការងារតាមការយល់ឃើញរៀងៗខ្លួនផងដែរ៕