នាវេលាម៉ោង ៨និង៣០នាទីយប់​ ថ្ងៃទី១៧​ ខែមីនា​ ឆ្នាំ២០២៦ មានករណីផ្ទះប្រជាពលរដ្ឋ​ មួយកន្លែង​ ត្រូវបានអគ្គិភ័យឆាបឆេះយ៉ាងសន្ធោសន្ធៅ​ បង្កការភ្ញាក់ផ្អើលជាខ្លាំងនៅចំណុចផ្ទះលេខ៥២២៦​ ផ្លូវលេខ៨​ ក្រុម១​ ភូមិព្រែកព្រីងខាងត្បូង សង្កាត់ចោមចៅទី២ ខណ្ឌពោធិ័សែនជ័យ រាជធានីភ្នំពេញ។

ដោយនៅក្នុងប្រតិបត្តិការខាងលើនេះ កម្លាំងសមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យចំនួន១៧គ្រឿង ក្នុងនោះរថយន្តការិយាល័យរាជធានីភ្នំពេញ ចំនួន០៩គ្រឿង ប្រេីប្រាស់ទឹក​អស់១៤ឡាន​ ស្មេីរនឹង៦៨ម៉ែត្រគូប​​,​ រថយន្តជំនួយមកពីកងពលតូចលេខ៧០​ ចំនួន០៧គ្រឿង​ ប្រេីប្រាស់ទឹកអស់០៧ឡាន​ ស្មេីរនឹង៧០ម៉ែត្រគូប​,​ រថយន្តសង្គ្រោះចំនួន០១គ្រឿង​ និងរថយន្តក្រុមហ៊ុនស្រាបៀរកម្ពុជា​ ចំនួន០១គ្រឿង​ ប្រេីប្រាស់ទឹកអស់០១ឡាន​ ស្មេីរនឹង០៦ម៉ែត្រគូប។ ចំពោះ ករណីខាងលើនេះ ត្រូវបានកម្លាំងសមត្ថកិច្ចជំនាញរបស់យើងបានគ្រប់គ្រងទាំងស្រុងនៅម៉ោង ១០និង០០នាទីយប់នាថ្ងៃខែឆ្នាំដដែរ។

ដោយឡែកចំពោះប្រភេទសំណង់ខាងលើនេះ ជាប្រភេទ​ ផ្ទះវិឡាកូនកាត់កម្ពស់៣ជាន់​ ទំហំ​ (៨ម៉ែត្រ​ x ១៣ម៉ែត្រ) ឆេះខូចខាតសម្ភារៈក្នុងផ្ទះអស់ទាំងស្រុង​ ហេីយពុំបណ្តាលឲ្យឆេះរាលដាលដល់អ្នកក្បែរខាងឡេីយ។ 

លោកវរសេនីយ៍ឯក ព្រហ្ម យ៉ន នាយការិយាល័យ ក៏បានបញ្ជាក់ថា ចំពោះហេតុការណ៍គ្រោះអគ្គិភ័យនេះ កម្លាំងសមត្ថកិច្ចជំនាញបាននឹងកំពុងធ្វេីការស្រាវជ្រាវ។ ដោយឡែក ចំពោះករណីខាងលើនេះ បានបណ្តាលឲ្យមនុស្សចំនួន០១ស្លាប់​ និងម្នាក់ទៀតរងរបួសផងដែរ៕