អ្នកលេងគុនខ្មែរ គោរមៈ ច័ន្ទរាជ និង ប៊ុន សុធា នឹងត្រូវល្បងសមត្ថភាពជាមួយម្ចាស់ខ្សែក្រវាត់លំដាប់អន្តរជាតិរបស់ហ្វីលីពីន Jhaymie Gayman ព្រមទាំងអ្នកមែនមកពីប្រេស៊ីល Gabriel Belizario ដើម្បីលេង 4 Man Tournament ប្រជែងខ្សែក្រវាត់ ISKA Kun Khmer Intercontinental Title 57KG។

ជាមួយគ្នានេះ កីឡាករល្អក្បាច់ លន បញ្ញា នឹងត្រូវតស៊ូជាមួយជើងឯកច្រើនស្ថាប័នរបស់អង់គ្លេស និង WMO ប្រចាំទ្វីបអឺរ៉ុប Joe Dean ដើម្បីឲ្យដឹងច្បាស់ថាតើនរណាជាម្ចាស់ខ្សែក្រវាត់ ISKA Kun Khmer World Title 67Kg 

យ៉ាងណាមិញ អមដោយគូមិត្តភាពអន្តរជាតិសំខាន់ៗ៖ 

-កីឡាកររិទ្ធ វិបុល នឹងត្រូវកំដរអ្នកល្អមកពីអ៊ីរ៉ង់ Hojjat Javadi 

-សោម ពិសិដ្ឋ នឹងត្រូវតតាំងជាមួយជើងខ្លាំងប្រេស៊ីល Diogo Henrique Pereira

-សោម វិច្ឆ័យ នឹងត្រូវដណ្តើមជ័យជម្នះជាមួយអ្នកល្បីមកពីម៉ារ៉ុក Diae Banelmahdi 

ចូលរួមទស្សនាដោយសេរី! កុំភ្លេចជួបគ្នានាទីវាល ភូមិហនុមាន ឃុំក្រាំងធ្នង់ ស្រុកបាទី ខេត្តតាកែវ នៅថ្ងៃសៅរ៍ ទី៣១ ខែមករា និងថ្ងៃអាទិត្យ ទី០១ ខែកុម្ភៈ ឆ្នាំ២០២៦។ ផ្សាយផ្ទាល់លើកញ្ចក់ទូរទស្សន៍អប្សរាប៉ុស្តិ៍លេខ១១ ចាប់ពីម៉ោង៨យប់តទៅ៕