លោកស្រី Sanae Takaichi នាយករដ្ឋមន្ត្រីជប៉ុន នឹងរំលាយសភានៅថ្ងៃសុក្រ (ថ្ងៃទី ២៣ ខែមករា) ដែលបើកផ្លូវសម្រាប់ការបោះឆ្នោតទូទៅមុនកាលកំណត់នៅថ្ងៃទី ០៨ ខែកុម្ភៈ។ លោកស្រីដឹកនាំគណបក្សប្រជាធិបតេយ្យសេរី (LDP) ហើយសង្ឃឹមថា ប្រជាប្រិយភាពខ្ពស់របស់លោកស្រីប្រហែល ៧០-៩០% ជាពិសេសជាមួយអ្នកបោះឆ្នោតវ័យក្មេងនឹងជួយគណបក្សរបស់លោកស្រីឈ្នះឆ្នោតយ៉ាងច្រើន។

មេដឹកនាំស្ត្រីដំបូងរបស់ប្រទេសនេះ បានប្រកាសនៅថ្ងៃច័ន្ទថា លោកស្រីមានគម្រោងរំលាយសភាជាន់ទាប ដោយស្វែងរកការគាំទ្រពីសាធារណជនសម្រាប់វិធានការណ៍ដើម្បីការពារគ្រួសារពីការកើនឡើងនៃការចំណាយលើការរស់នៅ និងបង្កើនការចំណាយលើការការពារជាតិ។ លោកស្រី Takaichi សន្យាថានឹងកាត់បន្ថយពន្ធលើការលក់អាហាររយៈពេល០២ ឆ្នាំ និងបានអនុម័តថវិកាដ៏ច្រើនចំនួន ១២២ ពាន់ពាន់លានយ៉េន ប៉ុន្តែរឿងនេះបានធ្វើឱ្យទីផ្សារព្រួយបារម្ភអំពីបំណុលដ៏ធំរបស់ប្រទេសជប៉ុន។លោកស្រី Takaichi សង្ឃឹមថា ការគាំទ្រយ៉ាងទូលំទូលាយសម្រាប់គណៈរដ្ឋមន្ត្រីរបស់លោកស្រី នឹងជួយផ្តល់អាណត្តិដ៏រឹងមាំដល់លោកស្រី ទោះបីជាគណបក្សប្រជាធិបតេយ្យសេរី (LDP) ខ្លួនឯងកំពុងប្រយុទ្ធប្រឆាំងនឹងការវាយតម្លៃការយល់ព្រមទាប និងរឿងអាស្រូវជាបន្តបន្ទាប់ក៏ដោយ៕