សាលាអនុគណខណ្ឌកំបូលបានចេញសេចក្តីបំភ្លឺពត៌មានចំពោះករណីគ្រោះថ្នាក់ចរាចរណ៍ បណ្ដាលឱ្យមនុស្សស្លាប់ និងមានស្បង់ចីវព្រះសង្ឃ នៅលើរថយន្ត កើតហេតុនៅថ្ងៃទី២១ ខែមករា ឆ្នាំ២០២៦ មានករណីគ្រោះថ្នាក់ចរាចរណ៍មួយ បានកើតឡើង មានរថយន្ត មួយគ្រឿងម៉ាក់ LEXUS 330 មានស្លាក់លេខ ភ្នំពេញ 2BG-3223 បានបើកបុកខឿនដាំដើមឈើមុខ ផ្ទះរបស់ប្រជាពលរដ្ឋ នៅវេលាម៉ោង ៤:០០នាទីព្រឹក ស្ថិតនៅផ្លូវ ឌីប៉ុក សង្កាត់គោករកា ខណ្ឌព្រែកព្នៅ រាជធានីភ្នំពេញ។

ក្នុងករណីគ្រោះថ្នាក់ចរាចរណ៍នេះបណ្តាលឱ្យមានការបាត់បង់ជីវិត និងរបួសធ្ងន់ស្រាល ចំនួន៤ នាក់ នៅនឹង កន្លែងកើតហេតុ។ ទន្ទឹមនោះក៏មានការចុះផ្សាយក្នុងបណ្តាញសង្គមមួយចំនួនបានចុះ ផ្សាយពត៌មានគ្រោះថ្នាក់ចរាចរណ៍ខាងលើ ថា មានព្រះសង្ឃស្លៀកពាក់ស៊ីវិល ចូលក្លឹប។

សាលាអនុគណខណ្ឌកំបូល បំភ្លឺដល់សាធារណជន និងអ្នកសារព័ត៌មានថា បុគ្គលទាំងបីរូបបានលាចាកសិក្ខាបទហើយ(សឹក) នៅថ្ងៃទី១០ ខែមករា ឆ្នាំ២០២៦ ត្រៀម បំពេញឧបសម្បទា (បួសភិក្ខុ) នាថ្ងៃខាងមុខ។ ករណីមានស្បង់ចីវររបស់ព្រះសង្ឃនៅលើរថយន្ត ដោយសារអ្នកបើកបររថយន្តឈ្មោះ(សៀក តុន) ជាពិធីការរៀបចំកម្មពិធីបុណ្យទានផ្សេងៗ។

សាលាអនុគណខណ្ឌកំបូលបានច្រានចោលទាំងស្រុង ចំពោះការផ្សាយពត៌មាន មួយចំនួន ដែលជាការផ្សាយមិនពិត ធ្វើឱ្យសារធារណជនមានការយល់ច្រឡំ៕