នៅព្រឹកថ្ងៃច័ន្ទទី០៨ ខែ ធ្នូ ឆ្នាំ ២០២៥ អគ្គិភ័យមួយបានឆាបឆេះនៅវត្ត Maha Phruettharam Worawihan ឬ វត្ត Maha Phruettharam ដែលជាវត្តដ៏ល្បីឈ្មោះមួយរបស់ថៃនៅលើផ្លូវមហាព្រឹទ្ធារាម ក្នុងសង្កាត់បាងរ៉ាក់ ទីក្រុងបាងកក ដោយបានបំផ្លាញកុដិស្នាក់នៅព្រះសង្ឃបីជាន់។

អគ្គិភ័យបានចាប់ផ្តើមឆាបឆេះនៅម៉ោងប្រហែល ៨:០៤ ព្រឹក នៅជាន់ទីមួយ ខាងក្នុងកុដិដែលមានព្រះពុទ្ធរូបជាច្រើន និងបានរាលដាលពាសពេញផ្ទៃដីប្រហែល ២០០ ម៉ែត្រការ៉េនៃរចនាសម្ព័ន្ធពាក់កណ្តាលបេតុង ពាក់កណ្តាលឈើ។ អ្នកពន្លត់អគ្គិភ័យមកពីស្ថានីយ៍បាងរ៉ាក់បានពន្លត់ និងគ្រប់គ្រងភ្លើងបានទាំងស្រុងនៅវេលាម៉ោង ៨៖១១ នាទីថ្ងៃដដែល។

យោងតាមរបាយការណ៍ មានព្រះសង្ឃពីរអង្គបានរងរបួសក្នុងអំឡុងពេលកើតហេតុ។ ព្រះសង្ឃមួយអង្គព្រះជន្ម ៤៨ ព្រះវស្សា បានរលាកនៅស្មា និងជើងស្តាំ ខណៈដែលព្រះសង្ឃមួយអង្គព្រះជន្ម ៨៥ ព្រះវស្សាពិបាកដកដង្ហើមដោយសារឈ្លក់នឹងការស្រូបផ្សែង។ ព្រះសង្ឃទាំងពីរអង្គត្រូវបានបញ្ចូនទៅព្យាបាលនៅមន្ទីរពេទ្យ Sathor ដែលនៅក្បែរនោះ។ យ៉ាងណាមិញ គ្មានព្រះសង្ឃ ឬអ្នកបួសណាម្នាក់រស់នៅក្នុងបរិវេណដែលរងផលប៉ះពាល់នៅពេលមានអគ្គិភ័យនោះទេ។ អាជ្ញាធរ កំពុងស៊ើបអង្កេតដើម្បីស្វែងរកមូលហេតុដែលបង្កឱ្យមានអណ្តាតភ្លើងនៅក្នុងបរិវេណកុដិ៕