លោក ទិត្យ វិច្ឆិកា អតីតតារាចម្រៀង និង ជាគ្រូបង្វឹកកងទ័ពកម្មង់ដូ បានបង្ហោះសំណេរលើកទឹកចិត្តបង្ហាញការព្រួយបារម្ភដល់កូនប្រុស និងបួងសួងឲ្យវត្ថុស័ក្ដិសិទ្ធិជួយថែរក្សា ខណៈកូនប្រុសរបស់លោកម្នាក់ជាទាហានមួយរូប កំពុងស្ថិតនៅសមរភូមិមុខកំពុងការពារជាតិមាតុភូមិពីការឈ្លានពានថៃ។

នេះបើតាមសំណេររបស់ លោក ទិត្យ វិច្ឆិកា បានរៀបរាប់បែបនេះថា៖ «ដើម្បីជាតិ មាតុភូមិ ណាកូនប្រុស ជីដូនជីតា លោកតា លោកយាយ និងម្ចាស់ទឹកម្ចាស់ដី លោកប្រាកដជាតាមថែរក្សាកូនប្រុសអោយសុខសប្បាយ និងផ្តល់ថាមពលខ្លាំងក្លាទៅអោយកូនជាមិនខានដើម្បីកំចាត់ពូជពួកអាចោរសៀមអោយវានិរាសព្រាត់ប្រាស់ចេញពីដែនដីរបស់ខ្មែរយើង…ត្រូវតែរឹងមាំណាកូន ប៉ានៅក្បែរឯងជានិច្ច»។

បន្ដែមពីនេះកន្លងបាន ១ថ្ងៃ លោក ទិត្យ វិច្ឆិកា ក៏បានបង្ហោះសំណេមួយបន្ថែមទៀតថា៖ «ត្រូវតែរឹងមាំណាកូនប្រុស ដើម្បីជាតិយើង ព្រះពុទ្ធ ព្រះធម៌ ព្រះសង្ឃ នឹងជីដូន ជីតា លោកប្រាកដជាតាមថែរក្សាកូនអោយមានសេចក្តីសុខជាមិនខាន ប៉ាមានមោទនៈភាពចំពោះកូនខ្លាំងណាស់»៕ អត្ថបទដោយ៖ Sun Darasy