លោក កែវ វាសនា តារាចម្រៀងប្រចាំផលិតកម្ម សាន់ដេ បានបង្ហាញអារម្មណ៍រំភើបចិត្ត ព្រមទាំងអរគុណទៅកាន់ភរិយាបណ្ដូរចិត្ត ក្រោយបានឃើញភរិយាលះបង់ខំពរពោះ បង្កើតបានកូនស្រីពៅម្នាក់ទៀតចូលក្នុងគ្រួសារយ៉ាងស្រស់ស្អាតគួរឲ្យស្រលាញ់ ដោយតារាចម្រៀងរូបនេះ និងភរិយា បានចាប់ដៃគ្នាសាងគ្រួសាររយៈពេលជាង ៩ឆ្នាំ មានកូនប្រុសស្រី​ ចំនួន ៣នាក់ជាចំណងដៃ ដោយគូនេះជាគូរដ៏គម្រូមួយរូប ដែលខិតខំប្រឹងចាប់ដៃគ្នារកសុីរហូតមកដល់សព្វថ្ងៃ មិនដែលលេចលឺរឿងអាស្រូវណាមួយឡើយ។

ក្នុងនោះ លោក កែវ វាសនា បានបង្ហោះរូបភាពកូនស្រីពៅ ជាមួយសំណេរបញ្ជាក់ពីអារម្មណ៍រំភើបបែបនេះថា៖ «ជោគជ័យហើយ អរគុណប្រពន្ធសំលាញ់សំរាប់ការលះបង់ដ៏មហាធំធេងមួយនេះ ហើយក៏សូមបិទវគ្គត្រឹមហ្នឹងដែរព្រោះពិបាកបើកភ្នែកមើលនឹងទទួលអារម្មណ៍យកមួយនេះណាស់ ចឹងសូមបិទវគ្គត្រឹមកូនស្រីពៅ ស្នា ឈីអាយ កើតយប់ថ្ងៃអាទិត្យ ទី២២ ខែធ្នូ ឆ្នាំ២០២៤ អត់បានផុសក្នុងថ្ងៃកើតដោយសារម៉ាមីមានបញ្ហាទើបនិងធូរស្បើយ»។

ក្រោយពីបានឃើញនូវរូបភាពប៉ុន្មានសន្លឹកនេះហើយ បណ្ដាអ្នកគាំទ្រ ក៏ដូចជាមិត្តរួមអាជីពសិល្បៈបានចូលទៅអបអរសាទរ រំភើបជំនួស និងគ្រប់គ្នាបានលើកសរសើរនូវមុខមាត់កូនស្រីទី៣ របស់ លោក កែវ វាសនា ពិតជាស្អាតគួរឲ្យក្នាញ់កាត់ទៅតាមប៉ាៗតែម្ដង៕ សម្រួលដោយ៖ Sun Darasy