អ្នកលេងបណ្ដាញសង្គមមានការភ្ញាក់ផ្អើល និងសម្ដែងអារម្មណ៍រំភើបចិត្តយ៉ាងខ្លាំង ខណៈ​អ្នកផលិតមាតិកាដ៏ល្បី ជា ស្រីនា បានបង្ហាញនូវឧបករណ៍ពិនិត្យផ្ទៃ ២ឆ្នូត គួបជាមួយក្រដាសរូបអេកូ ប្រាប់ថាជាកាដូចុងឆ្នាំ ធ្វើឲ្យអ្នកគាំទ្រឃើញហើយបានចូលរួមអបអរសាទរទៅកាន់រូបនាង និងលោក ហេង វិសាល ព្រោងព្រាត តែអ្វីដែលធ្វើឲ្យមហាជនហួសចិត្ត និងមិននឹកស្មាននោះ ការពិតមិនមែន ស្រីនា កំពុងទម្ងន់នោះទេ គឺម៉ាក់ស្រីនា កំពុងពរពោះកូនស្រីម្នាក់ទៀតចូលក្នុងគ្រួសារស្នងតំណែងកូនប្រុសពៅ។

តាមរយៈវីដេអូឃ្លីបដ៏មានសុភមង្គលនេះ មានអ្នកចូលទស្សនានិងចែករំលែកយ៉ាងច្រើន ដោយយើងសង្គេតឃើញថាសមាជិកគ្រួសារម្នាក់ៗស្រឡាំងកាំងរំភើបស្រក់ទឹកភ្នែកគ្រប់គ្នា មិននឹកស្មានថាខ្លួនជិតនឹងទទួលបានប្អូនម្នាក់ទៀតនាពេលឆាប់ៗខាងមុខនេះ ។

គួរបញ្ជាក់ផងដែរថា គ្រួសារអ្នកផលិតមាតិកា ជា ស្រីនា គឺជាគ្រួសារមួយមានសុភមង្គល និងគម្រូដ៏ល្អដែលគ្រប់គ្នានិយមតាមដានទស្សនា ព្រមទាំងលើកសរសើរទៅដល់ ម៉ាក់ប៉ាស្រីនា ថាពិតជាពូកែចិញ្ចឹមបីបាច់មើលថែកូនបានយ៉ាងល្អទាំងចំណេះដឹង សុជីវធម៌ សីលធម៌ ផងដែរ៕ សម្រួលដោយ៖ Sun Darasy