មជ្ឈមណ្ឌលព័ត៌មានគុណភាពខ្យល់របស់រដ្ឋបាលក្រុងបាងកក (BMA) បាននិយាយថា គុណភាពខ្យល់នៅក្នុងសង្កាត់ទាំង ៥០ នៃទីក្រុងបាងកក គឺទាបជាងស្តង់ដារសុវត្ថិភាពនៅថ្ងៃអង្គារនេះ ។

មជ្ឈមណ្ឌលបានរាយការណ៍ពីកម្រិត PM២.៥ ជាមធ្យមនៅទូទាំងទីក្រុងនៅថ្ងៃអង្គារនេះគឺ ៤៣.៣ មីក្រូក្រាមក្នុងមួយម៉ែត្រគូប (mcg) លើសពីស្តង់ដាររបស់ប្រទេសគឺ ៣៧.៥ mcg ក្នុងរយៈពេលជាមធ្យមបីម៉ោង (៥ ព្រឹកដល់ ៧ ព្រឹក)។

PM២.៥ គឺសំដៅលើភាគល្អិតធូលីដែលមានអង្កត់ផ្ចិត ២.៥ មីក្រូម៉ែត្រ ឬតិចជាងនេះ ដែលជាការប៉ះពាល់រយៈពេលវែង ដែលត្រូវបានផ្សារភ្ជាប់ជាមួយនឹងជំងឺរ៉ាំរ៉ៃ រួមទាំងបញ្ហាសួត និងបេះដូង។ ស្រុកចំនួនប្រាំដែលបានរាយការណ៍ថាកម្រិតខ្ពស់បំផុតនៃ PM២.៥ គឺ Nong Khaem (៥២.៩ mcg), Thonburi (៥០.៨ mcg), Khlong Sam Wa (៥០.១ mcg), Samphanthawong (៥០.១mcg) និង Phra Khanong (៤៩.៥ mcg) ។​

មជ្ឈមណ្ឌលបានជំរុញឲ្យប្រជាជនបាងកកពាក់ម៉ាសពេលចេញពីផ្ទះ និងជៀសវាងការស្នាក់នៅខាងក្រៅរយៈពេលយូរ។ ក្នុងនោះក៏បានស្នើរឲ្យ អ្នករស់នៅក្នុងទីក្រុងកាត់បន្ថយការប្រើប្រាស់រថយន្តផ្ទាល់ខ្លួន និងដាំដើមឈើនៅផ្ទះ ដែលនឹងជួយដល់ការស្រូបយកជាតិពុល៕