ប្រទេសអាល់បានីបានប្រកាសការហាមឃាត់រយៈពេលមួយឆ្នាំលើកម្មវិធី TikTok ដែលជាកម្មវិធីវីដេអូខ្លីដ៏ពេញនិយម បន្ទាប់ពីមានហេតុការណ៍សម្លាប់ក្មេងជំទង់ម្នាក់កាលពីខែមុន ដែលបានបង្កើនការភ័យខ្លាចចំពោះឥទ្ធិពលនៃប្រព័ន្ធផ្សព្វផ្សាយសង្គមលើកុមារដែរ កាលពីថ្ងៃសៅរ៍នេះ។

នាយករដ្ឋមន្ត្រីអាល់បានីលោក Edi Rama បាននិយាយបន្ទាប់ពីបានជួបសំណេះសំណាលជាមួយក្រុមឪពុកម្តាយ និងគ្រូបង្រៀនមកពីទូទាំងប្រទេស។ លោកបានស្តីបន្ទោសប្រព័ន្ធផ្សព្វផ្សាយសង្គម និង TikTok ជាពិសេសចំពោះការបញ្ឆេះអំពើហិង្សាក្នុងចំណោមយុវជនក្នុង និងក្រៅសាលា។ ការសម្រេចចិត្តរបស់រដ្ឋាភិបាលអាល់បានី ធ្វើឡើងបន្ទាប់ពីសិស្សសាលាអាយុ ១៤ ឆ្នាំម្នាក់ត្រូវបានចាក់សម្លាប់នៅក្នុងខែវិច្ឆិកាដោយសិស្សដូចគ្នា។ ប្រព័ន្ធផ្សព្វផ្សាយក្នុងស្រុកបានរាយការណ៍ថា ឧបទ្ទវហេតុនេះបានកើតឡើងបន្ទាប់ពីមានការឈ្លោះប្រកែកគ្នារវាងក្មេងប្រុសទាំងពីរនៅលើប្រព័ន្ធផ្សព្វផ្សាយសង្គម។ វីដេអូក៏បានផុសនៅលើ TikTok របស់អនីតិជនដែលគាំទ្រការសម្លាប់នេះ។

គួររំលឹកផងដែរថា ប្រទេសមួយចំនួននៅអឺរ៉ុប រួមទាំងប្រទេសបារាំង អាល្លឺម៉ង់ និងបែលហ្ស៊ិក បានអនុវត្តការរឹតបន្តឹងលើការប្រើប្រាស់ប្រព័ន្ធផ្សព្វផ្សាយសង្គមសម្រាប់កុមារ។ នៅក្នុងបទប្បញ្ញត្តិដ៏តឹងតែងបំផុតមួយរបស់ពិភពលោកដែលផ្តោតលើ Big Tech ។ ក្នុងនោះ អូស្ត្រាលីបានអនុម័តកាលពីខែវិច្ឆិកានូវការហាមឃាត់ប្រព័ន្ធផ្សព្វផ្សាយសង្គមសម្រាប់កុមារដែលមានអាយុក្រោម ១៦ ឆ្នាំ៕