TA X2
· 03-15
និយតករអ៊ីតាលីពិន័យ TikTok ១១លានដុល្លារ ជុំវិញការត្រួតពិនិត្យមិនគ្រប់គ្រាន់លើមាតិកាដែលបង្កគ្រោះថ្នាក់
#ByteDance# #ព័ត៌មាន# #Meta Platforms# #TikTok# #ព័ត៍មានអន្តរជាតិ#
4171
និយតករប្រឆាំងទំនុកចិត្តរបស់ប្រទេសអ៊ីតាលី ហៅកាត់ថា AGCM នៅថ្ងៃព្រហស្បតិ៍ (ទី១៤ ខែមីនា) នេះ បានឲ្យដឹងថា ខ្លួនបានពិន័យក្រុមហ៊ុនបណ្ដាញសង្គម TikTok ចំនួន៣ នូវទឹកប្រាក់សរុប ១០លានអឺរ៉ូ (១០,៩៤លានដុល្លារ) ជុំវិញការមិនបានត្រួតពិនិត្យមាតិកាឲ្យបានគ្រប់គ្រាន់នៅលើវេទិការបស់ខ្លួនដែលអាចបង្កគ្រោះថ្នាក់ដល់អ្នកប្រើប្រាស់វ័យក្មេង ឬងាយរងគ្រោះ។
បណ្ដាញសង្គម TikTok ដែលស្ថិតក្រោមការគ្រប់គ្រងរបស់ក្រុមហ៊ុនចិន ByteDance និងក្រុមហ៊ុនបណ្ដាញសង្គមផ្សេងទៀត ក្នុងនោះរួមមានទាំងក្រុមហ៊ុនមេ Meta Platforms របស់ Facebook និង Instagram ផងដែរ កំពុងស្ថិតនៅក្រោមសម្ពាធពីនិយតករនៅជុំវិញពិភពលោក ដែលចង់ការពារអ្នកប្រើប្រាស់មិនទាន់គ្រប់អាយុ។
AGCM បានឲ្យដឹងនៅក្នុងសេចក្តីថ្លែងការណ៍ថា៖ «TikTok មិនបានចាត់វិធានការឲ្យបានគ្រប់គ្រាន់ ដើម្បីទប់ស្កាត់ការរីករាលដាលនៃមាតិកាបែបនេះនោះទេ ហើយមិនបានគោរពទាំងស្រុងនូវគោលការណ៍ណែនាំដែលខ្លួនបានអនុម័ត ដោយធានាដល់អតិថិជនថា វេទិកានេះ គឺជាកន្លែងសុវត្ថិភាព»។
សេចក្ដីថ្លែងការណ៍វបានបន្ថែមថា ខ្លឹមសារមួយចំនួនរបស់ TikTok ជាពិសេសអ្វីដែលគេហៅថា បញ្ហាប្រឈម អាចបង្កហានិភ័យដល់អនីតិជន ឬជនងាយរងគ្រោះ។
និយតករអ៊ីតាលីបានយោងទៅលើវីដេអូ ដែលបង្ហាញពីមនុស្សវ័យក្មេងនាំគ្នាលេងកម្មវិធីដ៏គ្រោះថ្នាក់មួយ ដែលគេស្គាល់ថា ជា «ស្លាកស្នាមបារាំង» ដែលជាការប្រកួតប្រជែងដ៏ពេញនិយម ក្នុងចំណោមអ្នកប្រើប្រាស់ ដោយកម្មវិធីនោះពាក់ព័ន្ធនឹងការច្របាច់ថ្ពាល់ រហូតដល់បន្សល់នូវស្នាមជាំជាប់នៅលើឆ្អឹងថ្ពាល់៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
ចិន៖ ការហាមប្រាម TikTok របស់សហរដ្ឋអាមេរិក ជុំវិញការបារម្ភពីសន្តិសុខជាតិ មិនយុត្តិធម៌ឡើយ
មេដឹកនាំលោកខាងលិច ៤រូប បានទៅដល់ទីក្រុងគីវ ដើម្បីបង្ហាញសាមគ្គីភាព ក្នុងខួបលើកទី២ នៃសង្គ្រាម
EU នឹងពិចារណាវិធានការប្រឆាំងអ៊ីរ៉ង់ ប្រសិនបើមានការបញ្ជូនមីស៊ីលឲ្យទៅរុស្ស៊ី
ស្ត្រីកាន់តែច្រើនឡើងនៅប្រទេសចិនជ្រើសរើសភាពនៅលីវ ដោយសារសេដ្ឋកិច្ចជាប់គាំង
យោបល់ទាំងអស់ (0)