គ្រប់គូស្នេហ៍ដែលសម្រេចចិត្តចង់ចាប់ដៃគ្នាសាងគ្រួសារ ឈានដ៏ការរៀបអាពាហ៍ពិពាហ៍ គឺគ្រប់គ្នាតែងតែមើលទៅលើចរិតនិស្ស័យ សម្ដីសម្ដៅ ការប្រព្រឹត្តចរិយាសម្បត្តិជាដើម តែចំនុចទាំងនេះគ្រាន់តែជាចំំណុចមួយចំនួន តែអ្វីដែលកាន់តែសុីជម្រៅនិងសំខាន់ទៀតនោះ គឺយើងត្រូវមើលពីចំណុចផ្សេងៗទៀតដូចខាងក្រោមដកស្រងចេញពីប្រភពDome - ដូមី មានដូចជា៖

១-ទ្រព្យសម្បត្តិ បំណុល និងចំណូលទាំងសងខាង៖ 

សម័យនេះ គួរនិយាយគ្នាមុន ច្បាស់លាស់រៀងខ្លួន ហើយសម្រេចចិត្តទទួលយកឬមិនទទួលយកឱ្យច្បាស់លាស់ ព្រោះបញ្ហាលុយកាក់ពិតជាសំខាន់ណាស់កំពុងតែខ្វះខាតហើយជាប់បំណុលទៀតគឺជាសម្ពាធដ៏ធំមួយ រុញឱ្យគូជីវិតភាគច្រើនអាចបែកគ្នា។

២-គម្រោងចំណាយជួយគ្រួសារទាំងសងខាង៖

យើងត្រូវតែនិយាយគ្នាឱ្យហើយ ឱ្យបានច្បាស់លាស់ ថានៅក្រោយរៀបការ ទាំងសងខាងចង់ជួយឪពុកម្ដាយប៉ុន្មាន? កម្រិតណា? ជៀសវាងមានការលំអៀងអាចបង្កជាជម្លោះក្នុងគ្រួសារបាន។

៣ -គម្រោងសន្សំ និងរៀបចំផែនការជីវិត៖

ជីវិតគូរុងរឿងត្រូវតែមានផែនការសន្សំ និងរៀបចំផែនការអនាគតជាមួយគ្នា ទើបមិនពិបាកទៅថ្ងៃក្រោយ។

៤- ផែនការយកកូន៖

អ្នកត្រូវនិយាយគ្នាឱ្យច្បាស់ថាប៉ុន្មានឆ្នាំទៀតគម្រោងយកកូន ហើយយកប៉ុន្មាននាក់ ត្រូវផ្អែកលើស្ថានភាពហិរញ្ញវត្ថុកម្រិតណាៗមានពេលវេលាមើលថែកូនគ្រប់គ្រាន់ឬយ៉ាងណា។

៥-គិតលើកិច្ចការងារផ្ទះ៖

ចូលកុំរំពឹងថាជាការងារស្រី ឬប្រុស ព្រោះស្រ្ដីសម័យនេះក៏មានការងារនៅខាងក្រៅដែរ ដូច្នេះមកដល់ផ្ទះត្រូវជួយគ្នាធ្វើការងារផ្ទះ កុំប្រចាំគ្នាទើបការងារប្រកបទៅដោយរលូន។

៦-និយាយគ្នាឱ្យច្បាស់ពីគោលការណ៍ និងវិន័យផ្ទាល់ខ្លួន មានពេលវេលាចំពោះគ្នា៖

ពិតណាស់វេលាសម្រាប់គ្នាគឺសំខាន់ តែក៏កុំទាមទារហួសប្រមាណ ដោយសារពេលខ្លះក៏គេចង់មានវេលាខ្លះដើម្បីចំណាយពេលទៅធ្វើអ្វីផ្សេងៗសម្រាប់ខ្លួនឯងដែរ ដូច្នេះហើយត្រូវទុកពេលឲ្យគេសប្បាយជាមួយមិត្ត និងគ្រប់ការងារផង កុំបិទសិទ្ធលើសលុបពេក ចេះយោគយល់ទើបគ្រួសារមានសុភមង្គលផងដែរ៕