អ្នកលេងបណ្ដាញសង្គមហាក់ងាកមកចាប់អារម្មណ៍ និងស្ញប់ស្ញែងទៅកាន់យុវជនម្នាក់មានជីវភាពខ្វះខាតខ្លាំង តែប្អូនប្រុសរូបនេះនៅតែខិតខំព្យាយាមសិក្សាដោយមិនបោះបង់ចោល បើទោះបីជាមានការលំបាកយ៉ាងណាក្ដីក៏ប្អូននៅតែពុះពាររហូតទទួលបានជោគជ័យនៅជំហ៊ានដំបូង គឺប្អូនប្រុសទទួលបាននិទ្ទេស A ក្នុងលទ្ធផលប្រឡងថ្នាក់មធ្យមសិក្សាទុតិយភូមិ ឆ្នាំសិក្សា២០២៤។

នេះបើយោងតាមការបង្ហោះក្នុងគណនីមួយមានឈ្មោះ Sreychum Oeurng បានបង្ហោះនូវរូបប្អូនប្រុសកម្សត់នោះអមជាមួយសំណេរបែបនេះថា៖ «ទោះបីគ្រួសារក្រីក្រឪពុកមានជម្ងឺប្រចាំកាយ ម្តាយជាកម្មករ ជីវភាពខ្វះខាត តែប្អូនមិនចុះចាញ់ឡើយ ខិតខំរៀនរហូត។យុវសិស្ស គ្រុឌ សុវណ្ណារ៉ា សិស្សថ្នាក់ទី12A វិទ្យាល័យហ្វារពន្លឺសិល្បៈ ទទួលបាននិទ្ទេសA ។ជូនពរប្អូនទទួលបានជោគជ័យក្នុងឆាកជីវិត កុំបោះបង់ការតស៊ូ»។

ក្រោយពីបានឃើញ និងពីការលំបាកព្រមទាំងភាពព្យាយាមរបស់ប្អូនប្រុសរូបនេះហើយគ្រប់គ្នាបានសម្ដែងក្ដីអាណិត ស៊ែរចែករំលែកតៗគ្នា ព្រមទាំងមានអ្នកខ្លះទៀតបានចូលទៅខមិនលើកសរសើរព្រមទាំងអបអសាទរ​ ជឿជាក់ថាការខិតខំតស៊ូរបស់យុវជនរូបនេះ នឹងទទួលបាននូវភាពជោគជ័យនាពេលអនាគតផងដែរ៕ សម្រួលដោយ៖ Sun Darasy