ក្រោយការបញ្ចប់រួចរាល់នូវការប្រកាសលទ្ធផលប្រឡងថ្នាក់មធ្យមសិក្សាទុតិយភូមិ ឆ្នាំសិក្សា២០២៤ ទាំងរាជធានី និងខេត្ត យើងសង្កេតឃើញថាបេក្ខជនប្រឡងខ្លះបានទទួលនូវលទ្ធផលដែលសមប្រកបដូចអ្វីដែលបានរំពឹងទុក និងខ្លះទៀតក៏ខកចិត្តដែលទទួលបានលទ្ធផលមិនល្អ តែទោះបីជាយ៉ាងណាក៏កុំអស់សង្ឃឹមសិស្សានុសិស្សទាំងអស់ត្រូវតែខិតខំព្យាយាមបន្ថែម។

តែអ្វីដែលធ្វើឲ្យមហាជនអ្នកលេងបណ្ដាញសង្គមផ្ទុះការចាប់អារម្មណ៍ និងកោតសរសើរខ្លាំងនោះ គឺយើងបានរកឃើញនូវសិស្សឆ្នើមនិទ្ទេសA ម្នាក់ ដែលមានលំដាប់ពិន្ទុ 100.000 ពេញ គឺយុវតី យីវ ច័ន្ទគ្រីហ្វា សិស្សមកពីវិទ្យាល័យរស្មីសោភ័ណ ស្រុកស្ទោង ខេត្តកំពង់ធំ យុវតីរូបនេះទទួលបានលទ្ធផល A គ្រប់មុខវិជ្ជា ដែលនេះគឺពិតជាមិនធម្មតានោះទេកម្រមានអ្នកធ្វើបានរហូត 100ពិន្ទុពេញណាស់ យុវតីរូបនេះបានធ្វើឲ្យអាណាព្យាបាលរំភើបចិត្ត និងលើកមុខមាត់ទៅកាន់គាត់យ៉ាងខ្លាំង។

គួរបញ្ជាក់ផងដែលថា យោងតាមការប្រកាសរបស់ក្រសួងអបរំ យុវជន និងកីឡា តួរលេខលទ្ធផលបេក្ខជនប្រឡងបាក់ឌុបជាប់សរុប ១០៦ ៣៥១នាក់ ត្រូវជា ៧៩ភាគរយ នៃចំនួនបេក្ខជនមកប្រឡង ដែលមានបេក្ខជនជាប់និទ្ទេស A ចំនួន ២ ២១៦នាក់ ផងដែរ៕

សម្រួលដោយ៖ Sun Darasy