អ្នកនាង ទេព បូព្រឹក្ស បានទម្លាក់បទថ្មី Drama Queen ក្នុងបណ្ដាញសង្គម បែបញាក់កន្រ្កាក់អារម្មណ៍ ធ្វើឲ្យអ្នកគាំទ្រមានការភ្ញាក់ផ្អើល និងលាន់មាត់សរសើរគ្រប់គ្នា ដោយបទចម្រៀងមួយនេះទទួលបានគាំទ្រយ៉ាងខ្លាំងពីសំណាក់មហាជន មិនតែប៉ុណ្ណោះតារាឯករាជ្យរូបនេះបានផុសមិនទាន់បាន ១ថ្ងៃផង ទទួលបានអ្នកចូលទស្សនាជាង ៧០០K និងមានអ្នកចូលទៅស៊ែរជាច្រើនព្រោងព្រាតថែមទៀតផង។

ក្នុងនោះ អ្នកនាង ទេព បូព្រឹក្ស បានបង្ហោះនូវសំណេរយ៉ោងមានអត្ថន័យភ្ជាប់ជាមួយបទចម្រៀងថ្មីរបស់នាងបែបនេះថា៖ « Drama Queen អ្នកណាសាងអីទទួលនឹងទៅ គិតនាងគិតឲ្យមុនគូរជំនាន់យើងតស៊ូនាងនៅជាគ្រាប់ឈាមយល់ហេស វចនានុក្រមនាងតែពាក្យខំ តែខំតែខាំគេ»។

តាមរយៈបទចម្រៀងនេះគឺមានអត្ថន័យចាក់ដោតយ៉ាងខ្លាំងបែបឌឺដងទៅអ្នកដែលពូកែឈ្នានីសគេ ពូកែខាងសម្ដែងចាក់គេក្រោយខ្នង និងចង់ប្រាប់ថាពេលនេះនាងលែងស្លូតឲ្យគេជាន់ទៀតហើយ បន្ថែមពីនេះក្នុងបទចម្រៀងមានគួបផ្សំជាមួយការតុបតែងខ្លួននិងម៉ូតសក់ប្លែកៗអមជាមួយទឹកមុខបែបឆ្នាស់ឆ្នើមរបស់នាងទៀតនោះ កាន់តែធ្វើឲ្យបទចម្រៀងមួយបទនេះកាន់តែទាក់ទាញពិសេស ផ្ទុះការគាំទ្រធ្វើឲ្យហ្វេនៗពិតជាមិនខកបំណងនោះឡើយចំពោះការទន្ទឹងរង់ចាំនូវបទចម្រៀងថ្មីៗរបស់តារាចម្រៀងរូបនេះផងដែរ៕

សម្រួលដោយ៖ Sun Darasy