លោក វណ្ណដា តារារ៉េបវ័យក្មេងប្រចាំនៅកម្ពុជា បានលើកយកបទចម្រៀង «សង្រ្កាន្តស្គាល់ស្នេហ៍» មកសម្ដែងក្នុងពិធីបើកការប្រកួតកីឡាជាតិលើកទី៤ ក្រោមភ្លៀងរលឹមធ្វើឲ្យកក្រើកអស់ពេញពហុកីឡដ្ឋានជាតិអូឡាំពិក ដោយអ្នកដែលបានទស្សនាផ្ទាល់កន្រ្តាក់អារម្មណ៍ក្រោកឈររាំ ព្រមទាំងលើកទូរសព្ឌថតព្រោងព្រាតតែម្ដង។

យ៉ាងណាមិញ បទចម្រៀង «សង្រ្កាន្តស្គាល់ស្នេហ៍» កំពុងតែមានសន្ទុះការគាំទ្រខ្លាំងជាថ្មីម្ដងទៀតពិសេសក្នុងបណ្ដាញសង្គម TikTok ដោយមានតារាថៃក៏ដូចជាប្រជាជនថៃជាច្រើនលើកយកទៅលេងកម្សាន្តជាច្រើនហូរហែរ ដែលបទចម្រៀងមួយបទនេះជាបទដែលលោកបានធ្វើឡើងសម្រាប់នាឱកាសចូលឆ្នាំខ្មែរយើង។

គួរបញ្ជាក់ផងដែរថា គ្រប់វត្តមានរបស់ តារារ៉េបវ័យក្មេង លោក វណ្ណដា ក្នុងកម្មវិធីធំៗនីមួយៗគឺលោកតែងតែបង្កើននូវបរិយាកាសសប្បាយរីករាយទៅកាន់អ្នកទស្សនា ដោយសារតែតារារូបនេះមានអ្នកគាំទ្រជាច្រើន ពិសេសបណ្ដាលយុវវ័យពេញចិត្តយ៉ាងខ្លាំងនូវចម្រៀងរបស់លោកផងដែរ៕ សម្រួលដោយ៖ Sun Darasy