កំពូលតារាចម្រៀងរ៉េបវ័យក្មេង លោក វណ្ណដា​ បានធ្វើឲ្យបណ្ដាអ្នកគាំទ្រផ្ទុះការចាប់អារម្មណ៍ជាថ្មីម្ដងទៀតក្រោយបានឃើញសកម្មភាពមិនឆ្មើងឆ្មៃរបស់លោកទៅកាន់មិត្តភក្រ្ត័ ពេលជួបគ្នាចៃដន្យនៅ Pub មួយកន្លែងស្របពេលដែលលោកត្រៀមនឹងឡើងសម្ដែង នៅតែបកមកនិយាយជាមួយមិត្ត ដែលវីដេអូឃ្លីបនេះត្រូវបានអ្នកលេងបណ្ដាញសង្គមនាំគ្នាចែករំលែកព្រោងព្រាតតែម្ដង។

ជឿជាក់ថាបងប្អូនពិតជាជ្រាបច្បាស់ថា លោក វណ្ណដា​ គឺជាតារាចម្រៀងល្បីជួរមុខមួយរូបប្រចាំនៅប្រទេសកម្ពុជាយើង ក៏ដូចជាបណ្ដាលក្រៅប្រទេសជាច្រើនបានស្គាល់គាត់តាមរយៈទេពកោសល្យសមត្ថភាពដ៏បុិនប្រសប់ ក៏ដូចជាលោកមានឱកាសបានទៅសម្ដែងនៅលើកឆាកអរន្តជាតិធំៗជាច្រើន ធ្វើឲ្យអ្នកគាំទ្រដ៏ដូចជាថ្នាក់ដឹកនាំធំៗលើកសរសើរពីតារារ៉េបរូបនេះជាច្រើនហូរហែរ។

យ៉ាងណាមិញបើទោះបីជាលោកមានភាពល្បីល្បាញយ៉ាងណាក្ដីតែ លោក វណ្ណដា នៅតែរក្សាឥវិយាបទសាមញ្ញា មិនប្រកាន់ខ្លួនឬតម្លើងឬកវិញឡើយ លោកនៅតែប្រកាន់ភ្ជាប់នូវការគោរពដល់រៀបច្បងក្នុងសិល្បៈ ក៏ដូចឲ្យតម្លៃយ៉ាងខ្លាំងទៅកាន់មិត្តភាព ដែលភាពសាមញ្ញារបស់លោកនេះហើយ បានធ្វើឲ្យសន្ទុះនៃការគាំទ្រកាន់តែកើនឡើង ដល់ថ្នាក់ហ្វេនៗជាច្រើនបានលើកឡើងថា « វណ្ណដា​ គេតារាល្បីប្រចាំប្រទេសគេនៅស្គាល់មិត្ត ឯមិត្តខ្ញុំខ្លះបានឡើងកូដតិចខ្មើត» និងមានពាក្យសរសើរជាច្រើនផ្សេងៗទៀតផងដែរ៕ សម្រួលដោយ៖ Sun Darasy