រឿងរ៉ាវសោកសង្រេងនៃការបាត់បង់តារាសម្ដែងថៃដ៏ល្បី លោក Om Akkaphan បានទទួលមរណភាពទាំងវ័យក្មេងក្នុងវ័យ ៣៩ឆ្នាំ ដោយសារតែជំងឺមហារីកបេះដូង បានធ្វើឲ្យអ្នកគាំទ្រ ក៏ដូចជាមិត្តរួមសិល្បៈជាច្រើនមានការសោកស្ដាយយ៉ាងខ្លាំង។

ដោយនាថ្ងៃរៀបចំពិធីបុណ្យសពអ្នកគាំទ្របានសម្ដែងការងើងឆ្ងល់យ៉ាងខ្លាំងដោយសារតែលេចមុខភរិយារបស់ លោក Om ដែលគ្រប់គ្នាមិនធ្លាប់បានដឹងសោះថាតារាប្រុសរូបនេះមានភរិយាជាជនបរទេស ឈ្មោះ Daria Shevruk ថែមទាំងបានចុះអេតាស៊ីវិល រួចមកហើយ តែដោយសារតែស្ថានភាពជំងឺរបស់លោកមិនល្អទើបពន្យាពេលមិនបានរៀបការ បើកមុខជាផ្លូវការ ប៉ុន្ដែក្នុងវង្វង់គ្រួសារគឺបានដឹងលឺទាំងសងខាងរួចហើយ។

ដែលចំនុចនេះហើយបានធ្វើឲ្យគ្រប់គ្នាក្ដុកក្ដួលអាណិតទៅកាន់ភរិយាលោកយ៉ាងខ្លាំងដែលបានមានទំនាក់ទំនងបែប Privite អស់ជាច្រើនឆ្នាំហើយ តែពេលបានបង្ហាញជាផ្លូវការគឺពេលដែលស្វាមីបានទទួលមរណភាពទៅហើយ ការបាត់បង់មនុស្សជាទីស្រលាញ់នេះធ្វើឲ្យនាងពិបាកទទួលយកឈឺចាប់ និងពិបាកធ្វើចិត្តជាខ្លាំង ដោយសារតែទំហំក្ដីស្រលាញ់ទៅកាន់ស្វាមីធំធេងមិនអាចគណនា ធ្វើគ្រប់គ្នាឃើញហើយសម្ដែងការអាណិតជាពន់ពេកពិសេសនាពេលដង្កែរសពស្វាមីតែម្ដង៕ សម្រួលដោយ៖ Sun Darasy