ការប្រើប្រាស់ឱសថបុរាណដើម្បីព្យាបាលជំងឺជំនួសឱ្យថ្នាំដែលផលិតត្រូវបានកើនឡើងនៅទូទាំងពិភពលោក។ ឱសថធម្មជាតិត្រូវបានបង្ហាញថាអាចជាសះស្បើយនិងជួយបង្កើនសុខភាពផ្លូវកាយនិងផ្លូវចិត្ត។ មានឱសថនិងគ្រឿងទេសដែលអ្នកអាចរកបាននៅផ្ទះដែលអាចជួយព្យាបាលរោគសញ្ញាសម្រាប់ជំងឺផ្តាសាយនិងជំងឺលើសឈាមហើយថែមទាំងអាចការពារភាពចាស់បានលឿនទៀតផង។

ខាងក្រោមនេះជាគ្រឿងទេសនិងឱសថ ១០ មុខដែលអ្នកគួរសាកល្បងប្រើប្រាស់ប្រសិនបើអ្នកចង់ថែរក្សាសុខភាពនៃរាងកាយរបស់អ្នក។

1. ខ្ទឹមស

ខ្ទឹមសគឺល្អណាស់សម្រាប់ការប្រយុទ្ធប្រឆាំងនឹងជំងឺផ្តាសាយនិងជំងឺផ្តាសាយធម្មតា។ វាអាចកាត់បន្ថយសម្ពាធឈាមនិងបន្ថយហានិភ័យនៃជំងឺបេះដូង។ ខ្ទឹមសក៏មានផ្ទុកសារធាតុប្រឆាំងអុកស៊ីតកម្មដែលត្រូវបានគេជឿថាអាចជួយការពារជំងឺវង្វេងវង្វាន់បានផងដែរ។

ខ្ទឹមសត្រូវបានប្រើសម្រាប់ចម្អិនអាហារឬជាអាហារបំប៉ន។ ខ្ទឹមសដែលហាន់និងចញ្ច្រាំមានអត្ថប្រយោជន៍ចំពោះសុខភាពល្អបំផុត។

2. ឡាវែនឌឺ

ប្រេងផ្កាឡាវេនឌឺអាចជួយព្យាបាលស្នាមរបួសនិងសត្វល្អិចទិចឬខាំ។ ឡាវេនឌឺជួយបំបាត់ការថប់បារម្ភ ការគេងមិនលក់ និងការធ្លាក់ទឹកចិត្ត។ ប្រេងឡាវែនឌឺដែលផលិតជាឱសថនេះក៏អាចប្រឆាំងនឹងការឆ្លងមេរោគផងដែរ។

ផ្កាឡាវេនឌឺត្រូវបានគេប្រើច្រើនបំផុតនៅក្នុងប្រេងហើយអ្នកអាចប្រើវាជាជាតិសំណើមម្តងឬពីរដងក្នុងមួយថ្ងៃ។ អ្នកក៏អាចលាយវាជាមួយប្រេងដូង ប្រេងតាម៉ុន ឬប្រេងម្ទេស។

3. ម្ទេស

គ្រឿងផ្សំដែលធ្វើឱ្យម្ទេសមានឥទ្ធិពលប្រឆាំងនឹងភាពចាស់។ ពួកវាអាចប្រើជាថ្នាំបំបាត់ការឈឺចាប់សម្រាប់បញ្ហាដូចជាការក្រហាយទ្រូង និងល្អសម្រាប់ការបរិភោគបើយើងចង់ស្រកទំងន់ព្រោះវាអាចបង្កើនការដុតបំផ្លាញជាតិខ្លាញ់។

4. ខ្ញី

ខ្ញីធ្វើអោយការរំលាយអាហារប្រសើរឡើងនិងកាត់បន្ថយឧស្ម័ន។ វាជួយកាត់បន្ថយការរលាក បំបាត់ការឈឺចាប់ និងអាចបន្ធូរការផ្តាសាយបាន។ ខ្ញីបន្ថយអាការៈក្តៅខ្លួនពេលព្រឹកនិងបំបាត់អាការៈចង្អោរ។

ខ្ញីអាចត្រូវបានគេធ្វើជាតែក្តៅនិងស៊ុបហើយញ៉ាំជារៀងរាល់ថ្ងៃ។ ខ្ញីស្រស់អាចត្រូវបានបន្ថែមអាហារ និងបង្អែមជាច្រើនផងដែរ។

5. ស្លឹកខ្ទឹម

ស្លឹកខ្ទឹមមានផ្ទុកសារធាតុ Choline ដែលជាសារធាតុចិញ្ចឹមដែលជួយដល់ការគេងលក់ស្រួល។ វាក៏មានផ្ទុកនូវសារធាតុ folate និងរារាំងដល់ការផលិតសារធាតុ serotonin ដែលអាចជួយបន្ថយការធ្លាក់ទឹកចិត្តនិងជំរុញឲ្យមានអារម្មណ៍ល្អ។

6. ជីអង្កាម

ជីអង្កាមជួយបំបាត់ការឈឺក្បាលនិងឈឺក្បាលប្រកាំង។ ចំហាយទឹកពីតែជីអង្កាមក៏អាចជួយដល់បញ្ហាដកដង្ហើមដែរព្រោះវាអាចបំបាត់ការតឹងច្រមុះ។

ជីអង្កាមអាចត្រូវបានគេប្រើសម្ងួតឬស្រស់នៅក្នុងតែ ឬបន្ថែមដើម្បីបន្ថែមរសជាតិដល់អាហារ។ វាក៏អាចត្រូវបានប្រើជាប្រេងផងដែរ។

7. សំបកឈើអែម Cinnamon

វាអាចជួយប្រយុទ្ធប្រឆាំងនឹងការឆ្លងមេរោគក្នុងខ្លួននិងព្យាបាលជាលិកាដែលបានបំផ្លាញ។ វាក៏ប្រឆាំងនឹងការរលាកនិងអាចកាត់បន្ថយហានិភ័យនៃជំងឺបេះដូងផងដែរ។ បន្ថែមពីលើនេះ cinnamon ក៏អាចជួយប្រឆាំងនឹងការឆ្លងបាក់តេរីនិងថែមទាំងការពារអ្នកពីជំងឺមហារីកផងដែរ។

វាអាចត្រូវបានបន្ថែមទៅក្នុងតែនិងកាហ្វេហើយម្សៅរបស់វាអាចដាក់ចូលទៅក្នុងបង្អែម នំផេនខេន និងអាហារផ្សេងទៀត។ វាអាចត្រូវបានបរិភោគជារៀងរាល់ថ្ងៃ៕

ប្រភព ៖ Brightside | អត្ថបទដោយ ៖ វីរៈ