TNAOT News
· 05-07
ប្រទេសចិន ចង់សហការជាមួយបារាំង ដើម្បីបញ្ចប់សង្រ្គាមជាសាកល
#Vladimir Putin# #បញ្ចប់សង្រ្គាម# #ព័ត៌មាន# #Emmanuel Macron# #ប្រទេសចិន# #ព័ត៍មានអន្តរជាតិ#
6596
ប្រធានាធិបតីចិន លោក Xi Jinping បាននិយាយកាលពីថ្ងៃចន្ទថា ប្រទេសរបស់លោកមានឆន្ទៈធ្វើការជាមួយប្រទេសបារាំងឆ្ពោះទៅរក «ការបញ្ចប់សង្គ្រាម» ជាសាកល មុនពេលកីឡាអូឡាំពិកក្រុងប៉ារីសនាពេលខាងមុខឈានមកដល់ ។
ក្រោយពីប្រធានាធិបតីបារាំង លោក Emmanuel Macron ទទួលស្វាគមន៍មេដឹកនាំចិនដែលបានមកដល់ប្រទេសបារាំងកាលពីថ្ងៃអាទិត្យ សម្រាប់ដំណើរទស្សនកិច្ចផ្លូវរដ្ឋរយៈពេលពីរថ្ងៃរបស់លោករួចមក នៅឯសន្និសីទសារព័ត៌មាននៅទីក្រុងប៉ារីស លោក Xi បាននិយាយថា ប្រទេសរបស់លោកបាននឹងកំពុងដើរតួយ៉ាងសកម្មក្នុងការសម្រេចបានសន្តិភាពនៅក្នុងសង្គ្រាមនៅអ៊ុយក្រែន ដោយបន្ថែមថា ប្រទេសចិនបានបើកការចរចារជុំទីបី។
ចិនទាមទារអព្យាក្រឹតភាពក្នុងជម្លោះអ៊ុយក្រែន ប៉ុន្តែលោក Xi និងប្រធានាធិបតីរុស្ស៊ីលោក Vladimir Putin បានប្រកាសថា រដ្ឋាភិបាលរបស់ពួកគេមាន «មិត្តភាពគ្មានដែនកំណត់» មុននឹងការវាយប្រហាររបស់ក្រុងម៉ូស្គូលើអ៊ុយក្រែន។
នៅលើសង្រ្គាមនៅហ្គាហ្សា លោក Xi បានអំពាវនាវឱ្យមាន «បទឈប់បាញ់ភ្លាមៗ ទូលំទូលាយ និងនិរន្តរភាព» និងសម្រាប់ការរស់ឡើងវិញនៃកិច្ចចរចាឆ្ពោះទៅរកការសម្រេចបាននូវដំណោះស្រាយរដ្ឋពីរចំពោះជម្លោះអ៊ីស្រាអែល និងប៉ាឡេស្ទីនដែលមានអាយុកាលរាប់ទសវត្សរ៍មកហើយ។
លោក Xi បានបន្ថែមថា «អំឡុងពេលនៃដំណើរទស្សនកិច្ចនេះ កិច្ចព្រមព្រៀងសហប្រតិបត្តិការអន្តរក្រសួងចំនួន ១៨ ត្រូវបានចុះហត្ថលេខា ដែលគ្របដណ្តប់លើវិស័យអាកាសចរណ៍ ទេសចរណ៍ កសិកម្ម មនុស្សធម៌ ការអភិវឌ្ឍន៍បៃតង កិច្ចសហប្រតិបត្តិការសហគ្រាសធុនតូច និងមធ្យម និងវិស័យផ្សេងៗទៀត៕
សម្រួលដោយ៖ រិទ្ធី សុវណ្ណារ័ត្ន
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
លោក Xi Jinping ផ្តល់អនុសាសន៍សំខាន់ ចំពោះការងារផ្សព្វផ្សាយគំនិត និងវប្បធម៌ចិន
លោក Putin អះអាងដោយផ្ទាល់ថា នឹងទៅបំពេញទស្សនកិច្ច នៅប្រទេសចិន
វិមានក្រឹមឡាំង៖ លោក Macron បង្ហាញថាបារាំងត្រៀមខ្លួនរួចការជាប់ពាក់ព័ន្ធកាន់តែជ្រៅក្នុងសង្រ្គាមអ៊ុយក្រែន
លោក Zelensky និយាយថាអ៊ុយក្រែន នឹងចាញ់សង្រ្គាម បើសហរដ្ឋអាមេរិកបរាជ័យក្នុងការអនុម័តជំនួយ
យោបល់ទាំងអស់ (0)