ការឆ្លងរីករាលដាលនៃមេរោគកូវីដ១៩ ហាក់មិនទាន់ស្ងប់ស្ងាត់នៅឡើយទេនៅជុំវិញពិភពលោក ខណៈពេលនេះស្រាប់តែមានមេរោគកូវីដ១៩ បំប្លែងថ្មីមានសមត្ថភាពចម្លងបានខ្ពស់បំផុតជាងមេរោគបំប្លែងមុនៗចំពោះមនុស្សគ្រប់រូប មិនថាអ្នកដែលធ្លាប់ឆ្លងជំងឺកូវីដ១៩ ឬអ្នកដែលបានចាក់វ៉ាក់សាំងការពាររួចហើយក៏ដោយ។

យោងតាមការចុះផ្សាយព័ត៍មានរបស់គេហទំព័រ AFP នៅថ្ងៃព្រហស្បតិ៍ ទី២៤ ខែសីហា ឆ្នាំ២០២៣ បានឲ្យដឹងថា កាលពីម្សិលមិញមជ្ឈមណ្ឌលគ្រប់គ្រង និងបង្កាជំងឺរបស់សហរដ្ឋអាមេរិក (CDC) លើកឡើងពីមេរោគកូវីដ១៩ កំពុងបំប្លែងថ្មីដែលមានឈ្មោះ BA.2.86 មានមានសមត្ថភាពចម្លងបានខ្ពស់បំផុត ជាងមេរោគបំប្លែងមុនៗ ចំពោះមនុស្សគ្រប់រូប មិនថាអ្នកដែលធ្លាប់ឆ្លងជំងឺកូវីដ១៩ ឬអ្នកដែលបានចាក់វ៉ាក់សាំងការពាររួចហើយក៏ដោយ។

មជ្ឈមណ្ឌល CDC បានបន្តទៀតថាមេរោគបំប្លែងថ្មីនេះ អាចបណ្តាលឲ្យកើតមានជំងឺធ្ងន់ធ្ងរ បើប្រៀបធៀបមេរោគបំប្លែងមុនៗ ដោយសារការបំប្លែងខ្លួនដ៏ច្រើននៃជំងឺកូវីដ១៩ បង្កឲ្យមានការព្រួយបារម្ភអំពីផលប៉ះពាល់ទៅលើប្រព័ន្ធភាពសុំាពីវ៉ាក់សាំងការពារ និងអ្នកដែលធ្លាប់ឆ្លងជំងឺនេះ។ កំឡុងដើមខែសីហានេះ មេរោគ BA.2.86 ត្រូវបានរកឃើញមានការឆ្លងនៅក្នុងប្រទេសមួយចំនួនដូចជា សហរដ្ឋអាមេរិក ដាណឺម៉ាក និងអ៊ីស្រាអែលផងដែរ។ គួររម្លឹកដែរថា ក្រុមអ្នកវិទ្យាសាស្ត្រ និងមន្ត្រីជំនាញសហរដ្ឋអាមេរិក បាននិងកំពុងតាមដានយ៉ាងយកចិត្តទុកដាក់លើមេរោគកូវីដ១៩ថ្មីមួយនេះ ដោយសារតែការបំប្លែងខ្លួន ៣៦លើករបស់វា ពីមេរោគបំប្លែងថ្មី XBB.1.5 ដែលកំពុងធ្វើចលនានិងឆ្លងរីករាលដាលយ៉ាងលឿននាពេលបច្ចុប្បន្ននេះ៕

សម្រួលអត្ថបទដោយ៖ Puthseyha