តួឯកក្នុងរឿង "The Gods Must Be Crazy" លោកN!xau Toma ទទួលបានប្រាក់កម្រៃត្រឹមតែ ៣០០ដុល្លារ ប៉ុណ្ណោះ ក្នុងការសម្តែងជាតួឯកក្នុងខ្សែភាពយន្តដ៏ល្បីមួយនេះ។ ទោះបីជាភាពយន្ត ដែលផលិតក្នុងឆ្នាំ១៩៨០ មួយនេះអាចរកចំណូលបានរហូតដល់ទៅជាង ២០០លានដុល្លារ យ៉ាងណាក៏ដោយ។

ខ្សែភាពយន្តនេះនិយាយអំពី មូលដ្ឋានជម្លោះរវាងភាពទំនើបថ្មី និងយុគសម័យចាស់ ប្រជាជនកុលសម្ព័ន្ធណាមីប៊ីនៅវាលខ្សាច់អាហ្វ្រិកដាច់ស្រយាលរស់នៅក្នុងជីវិតដ៏រីករាយ ប៉ុន្តែត្រូវបានបែកបាក់ គ្នានៅពេល ដែលដបកូកា-កូឡាធ្លាក់ពីលើយន្តហោះ។ ហើយបុរសព្រៃម្នាក់នេះជាអ្នក ដែលខិតខំប្រឹងប្រែង ដើម្បីស្រាយចម្ងល់អំពីវត្ថុអាថ៌កំបាំងនេះ។

ជីវិតពិតដ៏កំសត់របស់ N!xau Toma បាន​ទទួលមរណភាព​ជា​ជន​សុចរិត​ដ៏​កំសត់​ម្នាក់ នៅថ្ងៃទី៥ ខែកក្កដា ឆ្នាំ២០០៣ ក្នុងវ័យ ៥៩ឆ្នាំ ដែលខំ​រក​ប្រាក់​រាប់​លាន​ដុល្លារ​ឲ្យ​អ្នក​ដទៃ​។ លោកត្រូវបានគេកេងប្រវ័ញ្ចកម្លាំងពលកម្មយ៉ាងខ្លាំងនៅលើតុចរចាគ្នា ទាំងដែលខ្លួនលោកផ្ទាល់មិនទាំងដឹងថាលោកកំពុងតែត្រូវគេកេងប្រវ័ញ្ចផង។ លោកគ្រាន់តែនិយាយពីអ្វីដែលបានចរចា ហើយលោកទទួលយកការចរចានោះដោយភាពរីករាយ និងក្តីសុខ៕