សិង្ហបុរី៖ យោងតាមការចុះផ្សាយរបស់វេបសាយ channelnewsasia នៅថ្ងៃទី១ មិថុនា បានបង្ហាញថា នាយករដ្ឋមន្រ្តីសិង្ហបុរីលោក Lee Hsien Loong បានធ្វើតេស្តវិជ្ជមានជំងឺ COVID-19 សារជាថ្មីម្តងទៀត ក្រោយទើបតែបានតេស្ដអវិជ្ជមាន កាលពីពេលថ្មីៗនេះ។ គួរបញ្ជាក់ផងដែលថា បន្ទាប់ពីលោកបានបំពេញទស្សនកិច្ចនៅអាហ្វ្រិកខាងត្បូង និងប្រទេសកេនយ៉ា គាត់បាន​ធ្វើ​តេស្ដ​វិជ្ជមាន​​ម្ដងរួចមកហើយ នៅ​ថ្ងៃ​ទី២២ ខែ​ឧសភា ហើយកាល​ពី​សប្ដាហ៍មុន។ 

លោក Lee បានសសេរនៅក្នុងហ្វេសប៊ុកនៅពីថ្ងៃទី 28 ឧសភា ថា៖«ខ្ញុំមានអារម្មណ៍ល្អ ប៉ុន្តែគួរឱ្យស្ដាយខ្ញុំបានវិជ្ជមាន COVID-19 ម្តងទៀត។ 

លោកវេជ្ជបណ្ឌិត Leong Hoe Nam អ្នកឯកទេសជំងឺឆ្លងនៅមន្ទីរពេទ្យ Mount Elizabeth Novena បានប្រាប់ CNA ថាការស្ទុះងើបឡើងវិញនៃជំងឺ COVID-19 នេះប៉ះពាល់ប្រហែលជា 10 ភាគរយនៃអ្នកដែលដែលឆ្លងជំងឺនេះ លោក​បាន​បន្ថែម​ទៀតថា មនុស្ស​ដែល​មាន​ភាពស៊ាំ​ខ្សោយងាយ​មាន​ហានិភ័យ​នៃ​ការ​ឆ្លង​មេរោគ​ជាប់​រហូត។

នាយករដ្ឋមន្រ្តីដែលមានអាយុ ៧១ ឆ្នាំរូបបានបន្ថែមថាគ្រូពេទ្យរបស់គាត់បានណែនាំគាត់ឱ្យនៅដាច់ដោយឡែករហូតដល់គាត់ធ្វើតេស្តអវិជ្ជមានដោយប្រើតេស្តអង់ទីហ្សែនរហ័ស (ART)៕

សម្រួលដោយ៖ Sun Darasy

ប្រភព៖ channelnewsasia