មន្ទីរសុខាភិបាលនៃរដ្ឋបាលរាជធានីភ្នំពេញ បានរៀបចំក្រុមគ្រូពេទ្យចក្ខុសាស្រ្តដឹកនាំដោយលោកវេជ្ជបណ្ឌិត យូ ពិសិដ្ឋ អនុប្រធានផ្នែកជំងឺភ្នែកនៃមន្ទីរពេទ្យបង្អែករាជធានីភ្នំពេញ និងសហការីចុះកម្មវិធីពិនិត្យសុខភាពភ្នែក និងផ្តល់វ៉ែនតាជូនប្រជាពលរដ្ឋដោយឥតគិតថ្លៃក្នុងមូលដ្ឋានគ្របដណ្តប់របស់មណ្ឌលសុខភាពគីឡូម៉ែត្រលេខ៦ នៃការិយាល័យសុខាភិបាលស្រុកប្រតិបត្តិមេគង្គ ឧបត្ថម្ភគាំទ្រដោយមូលនិធិហ្រ្វេដហូឡូកម្ពុជា និងបានផ្តល់ការពិនិត្យព្យាបាលបឋមសរុបចំនួន ៣៥៧នាក់ ស្រី២១៥នាក់, ផ្តល់វ៉ែនតា ២១៨នាក់ ស្រី១២៥នាក់ និងបញ្ជូនបន្តទៅមន្ទីរពេទ្យបង្អែករាជធានីភ្នំពេញចំនួន ៨៨នាក់ ស្រី៥៨នាក់៕