អ្នកផលិតមាតិកាដ៏ស្រស់ស្អាត កញ្ញា ឡេង បានធ្វើឲ្យបណ្ដាអ្នកគាំទ្រមានការភ្ញាក់ផ្អើល និងចូលរួមអបអរសាទរ ខណៈស្ងាត់ៗអ្នកផលិតមាតិការូបនេះបានដឹកដៃគូស្នេហ៍រូបសង្ហារៀបចំពិធីភ្ជាប់ពាក្យយ៉ាងមានសុភមង្គល ពោលពេញទៅដោយក្ដីសុខ និងស្នាមញញឹមនាថ្ងៃទី២២ ខែមេសា ឆ្នាំ២០២៦នេះ។

ដូចដែលបងប្អូនបានជ្រាបរួចមកហើយ កញ្ញា ឡេង ទើបតែប៉ុន្មានខែចុងក្រោយនេះ បានបើកបង្ហាញមុខគូស្នេហ៍ជាសាធារណៈ និងតែងតែបណ្ដើរគ្នាយ៉ាងត្រសងចូលរួមកម្មវិធីនានា ដោយនាពេលកន្លងមក អ្នកផលិតមាតិការូបនេះតែងតែលាក់បាំងមិនដែលបង្ហើបឲ្យគ្រប់គ្នាបានដឹងនោះឡើយពីទំនាក់ទំនងរបស់អ្នកទាំង២ ដោយរក្សានៅឯកជនភាពដើម្បីយកពេលសិក្សាស្វែងយល់ចិត្តគ្នា រហូតដល់កៀកថ្ងៃពិសេសទើបហ៊ានបើកបង្ហាញឲ្យអ្នកគាំទ្របានដឹង។

សូមបញ្ជាក់ផងដែរថា កញ្ញា ឡេង គឺជាអ្នកផលិតមាតិកាដ៏ល្បីមួយរូបក្នុងបណ្ដាញសង្គម ដែលជាចំណូលចិត្តរបស់មិត្តនារី ដោយសារតែវីដេអូនីមួយៗកញ្ញា តែងតែចែករំលែកពីភាពស្រស់ស្អាតនិងការតុបតែងខ្លួន តាមរយៈវីដេអូទិញសំលៀកបំពាក់ ការផាត់មុខ ក៏ដូចជាស្ទាយថតរូបថ្មីៗផងដែរ៕ អត្ថបទដោយ៖ Sun Darasy