សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានឧបត្ថម្ភថវិកាចំនួន ២០លានរៀន តាមរយៈប្រធានអង្គការមជ្ឍមណ្ឌលវប្បធម៍ខ្មែរកម្ពុជាក្រោម ជូនដល់ តារាកំប្លែង នាយឆ្លាំង ដែលកំពុងតែសម្រាកព្យាបាលនៅមន្ទីរពេទ្យលោកសង្ឃ ដោយសភាពនាពេលនេះហាក់ស្គមស្គាំងខ្លាំងមើលសឹងតែមិនស្គាល់ ក្រោយបាត់មុខពីសិល្បៈអស់រយៈពេលជាយូរឆ្នាំ ធ្វើឲ្យមហាជនឃើញហើយហាក់ស្រឡាំងកាំង និងបង្ហាញការព្រួយបារម្ភជាខ្លាំង។

នេះបើយោងតាមសំណេររបស់គណនីមួយឈ្មោះ Chum Sothon News ត្រូវជាមិត្តនាយ ឆ្លាំង បានបង្ហោះវីដេអូអបជាមួយសំណេរថា៖ «ជូនពរសម្លាញ់ឆាប់ជាពីជំងឺណា…ពិតជាគួរអោយអាណិតណាស់នេះហើយជីវិតសិល្បៈជើងចាស់តារាកំប្លែង នាយឆ្លាំង បាត់មុខលើវិថីសិល្បៈមួយរយៈដោយសារជីវភាព និងជំងឺបៀតបៀនរាងកាយ ស្ថានភាពជំងឺបងវិវឌ្ឍន៍ដល់ថ្នាក់នេះ​ សូមជូនពរបងបានធូរស្បេីយពីជំងឺ​ និងបានចូលរួមក្នុងវិស័យសិល្បះ​ និងក្រុមកីឡាយេីងវិញ សូមពឹងបងប្អូនជួយផងចុះដើម្បីអោយមហាជនឬសប្បុរស់ជន និងសិល្បៈករផ្សេងៗបានឃើញនិងជួយគាត់ផង បច្ចុប្បន្នគាត់សម្រាក់ព្យាបាលនៅមន្ទីរពេទ្យលោកសង្ឃ»៕ អត្ថបទដោយ៖ Sun Darasy