អតីតជាពលករខ្មែរមកពីប្រទេសថៃម្នាក់ អាយុ៣១ឆ្នាំ បានធ្វើអត្តឃាតចងកសម្លាប់ខ្លួន ដោយបន្សល់ទុកបណ្តាំចុងក្រោយមួយសន្លឹក បង្កការភ្ញាក់ផ្អើលនៅចំនុចថ្ងៃទី២០ ខែមេសា ឆ្នាំ២០២៦ នៅត្រង់ចំណុចក្រុមទី០៣ ស្ថិតក្នុងភូមិបេង ឃុំអន្លង់វិល ស្រុកសង្កែ ខេត្តបាត់ដំបង។

សមត្ថកិច្ចបានឲ្យដឹងថា ជនរងគ្រោះ មានឈ្មោះ សុខ ខេន ភេទប្រុស អាយុ៣១ឆ្នាំ អតីតជាពលករខ្មែរមកពីប្រទេសថៃ កាលពីសម័យផ្ទុះកូវីដ-១៩ ទីលំនៅបច្ចុប្បន្ន រស់នៅភូមិបេង ឃុំអន្លង់វិល ស្រុកសង្កែ ខេត្តបាត់ដំបង បានធ្វើអត្តឃាត ដោយយកខ្សែគោចងកទៅនឹងធ្នឹមផ្ទះ បណ្តាលអោយស្លាប់ ដោយបន្សល់ទុកបណ្តាំចុងក្រោយមួយសន្លឹក ដែលមានខ្លឹមសារថា (អ្វីដែលមិនមែនជារបស់យើងហាមប៉ះ, យកអ្វីដែលជារបស់លោកឯងយកទៅ) (ទាំងនេះខ្ញុំធ្វើមិនមែន ដើម្បីលោកឯងទេ ដើម្បីខ្លួនខ្ញុំ) (នេះជាបណ្តាំហាមប៉ះ) (ខ្ញុំមិនមែនម្ចាស់ដី) ។