រញ្ជួយដីកម្រិត ៤.៩ រ៉ិចទ័របានវាយប្រហារភាគខាងកើតប្រទេសឥណ្ឌូណេស៊ីកាលពីយប់ថ្ងៃទី ៨ ខែមេសា ឆ្នាំ​២០២៦ ដោយបានបំផ្លាញផ្ទះរាប់សិបខ្នង និងធ្វើឱ្យមនុស្សជាច្រើននាក់រងរបួស នេះបើយោងតាមមន្ត្រីម្នាក់បាននិយាយនៅថ្ងៃព្រហស្បតិ៍ (ថ្ងៃទី ៩ ខែមេសា)។

យោងតាមការស្ទង់ភូមិសាស្ត្រសហរដ្ឋអាមេរិក (USGS) ការរញ្ជួយដីនេះបានវាយប្រហារនៅជម្រៅ ១០.៤ គីឡូម៉ែត្រ ចម្ងាយប្រហែល ១០៤ គីឡូម៉ែត្រភាគខាងកើតនៃ Maumere ខេត្ត East Nusa Tenggara ។ អាជ្ញាធរបានឲ្យដឹងថា ភូមិពីរនៅលើកោះតូចមួយឈ្មោះ Adonara បានរងផលប៉ះពាល់ខ្លាំងបំផុត ដោយមានផ្ទះជាង ១០០ ខ្នងត្រូវបានខូចខាត និងយ៉ាងហោចណាស់មនុស្ស ២០ នាក់រងរបួស។

ប្រទេសឥណ្ឌូណេស៊ី និងប្រទេសជិតខាងជួបប្រទះនឹងការរញ្ជួយដីជាញឹកញាប់ដោយសារតែទីតាំងរបស់ពួកគេនៅក្នុង "Ring of Fire" ប៉ាស៊ីហ្វិក  ជាខ្សែសង្វាក់នៃសកម្មភាពរញ្ជួយដីខ្លាំងដែលលាតសន្ធឹងពីប្រទេសជប៉ុនឆ្លងកាត់អាស៊ីអាគ្នេយ៍ និងឆ្លងកាត់អាងប៉ាស៊ីហ្វិក៕