រដ្ឋមន្ត្រីការបរទេស លោក Sihasak Phuangketkeow បានថ្លែងនៅក្នុងសន្និសីទសារព័ត៌មានមួយកាលពីថ្ងៃពុធ (ថ្ងៃទី ៨ ខែមេសា) ថា នាវិកទាំង៣នាក់នៅលើនាវាដែលមានទង់ជាតិថៃ ដែលត្រូវបានវាយប្រហារនៅក្នុងច្រកសមុទ្រ Hormuz កាលពីខែមុន បានស្លាប់បាត់បង់ជីវិត។

ការវាយប្រហាររបស់សហរដ្ឋអាមេរិក-អ៊ីស្រាអែលលើអ៊ីរ៉ង់នៅចុងខែកុម្ភៈ បានជំរុញឱ្យទីក្រុងតេអេរ៉ង់ឆ្លើយតបដោយបិទច្រកសមុទ្រនេះ ដែលជាសរសៃឈាមដ៏សំខាន់សម្រាប់ការផ្គត់ផ្គង់ប្រេងសកល និងបើកការវាយប្រហារលើនាវា។ នាវា Mayuree Naree ដែលមានទង់ជាតិថៃ ត្រូវបានវាយប្រហារនៅថ្ងៃទី ១១ ខែមីនា ខណៈពេលកំពុងធ្វើដំណើរឆ្លងកាត់ផ្លូវទឹកឈូងសមុទ្រ បន្ទាប់ពីចាកចេញពីកំពង់ផែមួយនៅអារ៉ាប់រួម។ ឆ្មាំបដិវត្តន៍អ៊ីរ៉ង់បាននិយាយកាលពីខែមីនាថា ពួកគេបានវាយប្រហារនាវា Mayuree Naree ក៏ដូចជានាវាដែលមានទង់ជាតិលីបេរីយ៉ា នៅក្នុងច្រកសមុទ្រ ដោយសារតែនាវាទាំងនោះមិនបានអើពើនឹងការព្រមាន។

សមាជិកនាវិកថៃចំនួន ២០ នាក់បានវិលត្រឡប់មកផ្ទះវិញនៅពាក់កណ្តាលខែមីនា ខណៈដែល៣នាក់ផ្សេងទៀតត្រូវបានរាយការណ៍ថាបាត់ខ្លួន និងសន្មតថាជាប់នៅក្នុងបន្ទប់ម៉ាស៊ីនដែលខូចខាតរបស់នាវា។ រដ្ឋមន្ត្រីការបរទេសថៃ លោក Sihasak Phuangketkeow បានប្រាប់អ្នកយកព័ត៌មានកាលពីថ្ងៃពុធថា ជាអកុសល សមាជិកនាវិកដែលនៅសល់ទាំង៣នាក់ត្រូវបានរកឃើញថា ពួកគេបានបាត់បង់ជីវិតនៅក្នុងហេតុការណ៍នេះ៕