មន្ទីរធនធានទឹក និងឧតុនិយមខេត្តបាត់ដំបង បានចេញសេចក្តីជូនដំណឹងស្តីពីស្ថានភាពធាតុអាកាសខេត្តបាត់ដំបង ដោយផ្អែកលើបាតុភូតសកល និងយោងទៅលើស្ថានភាពវិវត្តនៃ ស៊ីតុណ្ហភាពចាប់ពី ថ្ងៃទី២៦ ខែមីនា ឆ្នាំ២០២៦ រហូតដល់ថ្ងៃទី០៧ ខែមេសា ឆ្នាំ២០២៦ ខាងមុខនេះ និងមាន ស្ថានភាពរលកកម្ដៅប៉ះពាល់ដល់ខេត្តបាត់ដំបង។

ក្នុងអំឡុងពេលនេះ សីតុណ្ហភាពអតិបរិមា នឹងឈានចន្លោះពី ៣៧°C - ៤១°C ដែលខ្ពស់ជាងមធ្យម ភាគច្រើនឆ្នាំ ។ ស្ថានភាពរលកកម្ដៅនេះកើនឡើងដោយសារកម្រិតសម្ពាធខ្ពស់ថេរ និងលំហូរខ្យល់ខ្សោយ បណ្តាលឲ្យមានកម្ដៅខ្លាំងនៅបន្ត ។

អាស្រ័យដូចបានជម្រាបជូនដំណឹងជាសាធារណៈ សូមមេត្តាយកចិត្តទុកដាក់និងប្រុងប្រយ័ត្ន អំពីអាកាសធាតុប្រែប្រួលមានស្ថានភាពរលកកម្ដៅនេះ ដើម្បីជៀសវាងពីជម្ងឺដង្កាត់ផ្សេងៗ ដែលអាចកើតមានឡើងជាយថាហេតុ ទៅលើមនុស្ស សត្វ រុក្ខជាតិ និងជាពិសេសយកចិត្តទុកដាក់ថែទាំសុខភាពលើមនុស្សចាស់ ស្ត្រី និងកុមារ។

យោងលើការជូនដំណឹងស្ថានភាពអាកាសធាតុដូចបានជម្រាបជូនខាងលើ មន្ទីរធនធានទឹក និងឧតុនិយម សូមជូនដំណឹងដល់ស្ថាប័នពាក់ព័ន្ធ អាជ្ញាធរដែនដី និងប្រជាពលរដ្ឋមេត្តាចូលរួមយកចិត្តទុកដាក់តាមដានប្រុងប្រយ័ត្នចំពោះអាកាសធាតុដែលអាចកើតមានឡើងជាយថាហេតុនៅពេលខាងមុខផងដែរ៕